पहिलो पटक हुम्लामा स्याउको मूल्य निर्धारण

हुम्ला, असोज १७ गते । स्याउ उत्पादनको राम्रो सम्भावना भएको हिमाली जिल्ला हुम्लामा पहिलो पटक स्याउको मूल्य तोकिएको छ । यसअघि दानाका हिसाबले बिक्री भई रहेको कारण सबैतिर स्याउको मूल्य निर्धारण गर्न दबाब आई रहेको बेला मूल्य तोकिएको हो ।

प्रधानमन्त्री कृषि आधुनिकीकरण परियोजना, परियोजना कार्यान्वयन एकाइ ( स्याउ ) का कार्यालय प्रमुख विष्णु बहादुर मग्रातीले उपभोक्ता माग अनुसार पहिलो पटक जिल्लामा स्याउको मूल्य निर्धारण गरिएको बताउनुभयो । मङ्गलबार बसेको जिल्ला परियोजना समन्वय तथा अनुगमन समितिको बैठकले स्याउ किसानको उपस्थितिमा मूल्य निर्धारण गरेको हो ।

बैठकमा समितिका संयोजक जिल्ला समन्वय समितिका प्रमुख शिबराज शर्मा, सिमकोट गाउँपालिकाका अध्यक्ष बिजय भण्डारी, खार्पुनाथ गाउँपालिकाका अध्यक्ष कर्णबहादुर रावल, नाम्खा गाउँपालिकाका अध्यक्ष प्रेमबहादुर लामा, प्रमुख जिल्ला अधिकारी श्रीनाथ पौडेल लगायत स्याउ उत्पादन गर्ने किसानको उपस्थितिमा यो मूल्य निर्धारण गरिएको हो । उहाँले अब जिल्लामा स्याउको मूल्य प्रतिकेजी चालीस रुपियाँ तोकिएको बताउनुभयो ।

यसअघि हुम्लामा दानाका हिसाबले स्याउ बिक्री हुने गरेको थियो । गाउँमा प्रतिदाना पाँच रुपियाँ भए पनि सदरमुकाम सिमकोट भने प्रतिदाना दश रुपियाँमा स्याउ बिक्री हुने गरेको थियो । यो मूल्य सिजन र बेसिजन पनि उस्तै हुने गरेको थियो । यसका लागि छ दानासम्म प्रतिकेजीमा जाने भए ए ग्रेड र छ भन्दा बढी दाना प्रतिकेजीमा गए बि ग्रेड निर्धारण गरिएको छ । यो मूल्य सदरमुकाम सिमकोटका लागि लागु गरिएको हो । सिमकोट बाहिर भने स्थानीय ढुवानी घटाएर मूल्य निर्धारण हुनेछ । उहाँले दानामा स्याउ बिक्री हुँदा उपभोक्ताबाट केजीमा स्याउ बिक्री गर्नुपर्ने र त्यसको मूल्य निर्धारण गर्नुपर्ने माग रहेकोमा अहिले त्यो माग पुरा भएको बताउनुभयो ।

डेढ सय बोटमा स्याउ फलाउँदै आउनु भएका सिमकोट गाउँपालिका– २ का किसान गोरासिंह बोहराले स्याउको मूल्य तोकिएपछि स्याउ किसान र उपभोक्तालाई सहज भएको बताउनुभयो । उहाँले यसअघि दानामा बिक्री गर्दा उपभोक्तासँग मोलमोलाइ गर्नुपर्ने अवस्था रहेको र अब त्यो अन्त्य भएको बताउनुभयो । हाल निर्धारण गरिएको स्याउको मूल्यमा किसानहरू सन्तुष्ट रहेको बताउँदै उहाँले बजारको व्यवस्था हुनु पर्ने बताउनुभयो ।

प्रतिक्रिया दिनुहोस्
सम्बन्धित वर्गका समाचारहरू

महान्यायाधिवक्तामा रमेश बडाल नियुक्त

काठमाडौँ, साउन २ गते। राष्ट्रपति रामचन्द्र पौडेलले वरिष्ठ अधिवक्ता रमेश बडाललाई महान्यायाधिवक्ता नियुक्त गर्नुभएको छ। राष्ट्रपति

राष्ट्रपतिबाट आह्वान लगत्तै ओलीलाई प्रधानमन्त्रीमा दाबी गर्ने कांग्रेस-एमालेको तयारी

असार २८, काठमाडौँ। प्रतिनिधिसभामा प्रधानमन्त्री पुष्पकमल दाहाल ‘प्रचण्ड’ले विश्वासको मत नपाएपछि राष्ट्रपति रामचन्द्र पौडेलबाट नयाँ सरकार

‘युवालाई उत्पादनसँग जोड्न विशेष कार्यक्रम’

 असार २३, काठमाडौँ।  नेपाल राष्ट्र बैङ्कका गभर्नर महाप्रसाद अधिकारीले युवालाई उत्पादन र उद्यमसँग जोड्न विशेष कार्यक्रम

गणतन्त्रलाई बलियो बनाउन एमालेसँग सहकार्य गरेका हौँ’

 असार १८ ,मोरङ। नेपाली कांग्रेसका पूर्वउपसभापति विमलेन्द्र निधिले सङ्घीय लोकतान्त्रिक गणतन्त्रात्मक शासन प्रणालीलाई बलियो बनाउन कांग्रेस

कांग्रेस-एमाले सहमतिमा के छ ? 

पीपल नेपाल संबाददाता बिजय प्याकुरेल असार १८, काठमाडौं । माओवादी केन्द्रका अध्यक्ष पुष्पकमल दाहाल प्रचण्ड

ओलीको नेतृत्वमा राष्ट्रिय सहमतिको सरकार : शङ्कर पोखरेल

  असार १८, काठमाडौँ। नेपाल कम्युनिष्ट पार्टी (एमाले) का महासचिव शङ्कर पोखरेलले राजनीतिक स्थायित्वका लागि