गठबन्धनले कब्जा गरेको दोलखाको १० वटा मतदान केन्द्रमा पुन : मतदान गर्ने आयोगको निर्णय


११ मंसिर,काठमाडौं । निर्वाचन आयोगले दोलखाको १० वटा मतदान केन्द्रहरुमा मंसिर १५ गतेभित्र पुनःमतदान गर्ने निर्णय गरेको छ ।

आइतबार उपसचिव एवं आयोगका सहायक प्रवक्ता ऋषिराम भुसाल द्धारा हस्ताक्षर गरिएको प्रेस विज्ञप्ति मार्फत आयोगले यस्तो जानकारी दिएको हो ।

१० वटा मतदान केन्द्रमा मिति २०७९/०८/०४ मा भएको मतदान कार्य स्वच्छ,स्वतन्त्र,निस्पक्ष र भयरहित वातावरणमा हुन सकेको नदेखिएकोले उल्लेखित केन्द्रहरुको मतदानमा अनधिकृत कब्जा भई मतदानको कार्यमा निष्पक्षता र स्वतन्त्रतामा असर पुगेको हुँदा मिति २०७९/०८/०४ मा भएको मतदान रद्द गरि उल्लेखित मतदान केन्द्रहरुमा मिति २०७९/०८/१५ भित्रमा पुनःमतदान सम्पन्न गराउने गरि आयोगले निर्णय गरेको हो ।

त्यस्तै,१० (दश) वटा मतदान केन्द्रमा जिम्मेवारीमा रहेका राष्ट्रसेवक कर्मचारीहरुको विवरण आयोगको सचिवालयमार्फत सम्बन्धित निकायसँग माग गरी निजहरु उपर आवश्यक कारवाहीका लागि आयोगमा पेश गर्न सचिवालयलाई निर्देशन दिने निर्णय समेत आयोगले गरेको छ । ।

गत मंसिर ४ गते मतदानको क्रममा नेकपा(माओवादी केन्द्र) र नेपाली काङ्ग्रेस लगाएत गठबन्धन समर्थित नेताकार्यकर्ताहरुले धांदली गरेर बुथ कब्जा गरेकोले पुनः मतदान हुनुपर्ने एमालेको माग रहेको थियो भने मतदान अधिकृतहरुले आफ्नो माथिल्लो तहलाई गरेको कतिपय रिपोर्टमा समेत बुथ कब्जा भएको रिपोर्ट पेस गरेका थिए ।

निर्वाचनको क्रममा एमाले नेतृ एवं गौरीशंकर गाउंपालिकाकी पुर्व उपप्रमुख उर्मिला थामी,त्यस्तै एमाले वागमती प्रदेश कमिटी सल्लाहकार परिषद सदस्य डिल्ली बराईली लगाएत दर्जनौं नेता कार्यकर्ताहरु माथी गरिएको हातपात र दुर्ववहारको दृश्य सामाजिक संजालहरुमा भाईरल समेत भएको थियो । त्यस्तै,गठबन्धन समर्थित नेताकार्यकर्ताहरुको आक्रमणमा दर्जनौं एमाले नेताकार्यकर्ताहरु घाइते समेत भएका थिए ।

आयोगको विज्ञप्ति :         

प्रतिक्रिया दिनुहोस्
सम्बन्धित वर्गका समाचारहरू

सौर्य एयरलाइन्सको विमानमा सवार यी १९ यात्रु (नामसहित),क्यप्टेन बाहेक सवैले गुमाए चोला

सौर्य एयरलाइन्सकाे जहाज दुर्घटना । काठमाडौँ, साउन ९ गते । काठमाडौँबाट पोखराका लागि उडेको जहाज आज

 अभाव सम्बोधन गर्नेगरी मौद्रिक नीति आउने: अर्थमन्त्री पौडेल

साउन ७,काठमाडौँ।  अर्थमन्त्री विष्णुप्रसाद पौडेलले अहिलेको अभावलाई सम्बोधन गर्नेगरी मौद्रिक नीति आउने बताउनुभएको छ ।

महान्यायाधिवक्तामा रमेश बडाल नियुक्त

काठमाडौँ, साउन २ गते। राष्ट्रपति रामचन्द्र पौडेलले वरिष्ठ अधिवक्ता रमेश बडाललाई महान्यायाधिवक्ता नियुक्त गर्नुभएको छ। राष्ट्रपति

यस्तो बन्यो पन्त्रीपरिषद्

असार ३१, काठमाडौँ । राष्ट्रपति रामचन्द्र पौडेलसमक्ष नवनियुक्त प्रधानमन्त्री खड्गप्रसाद ओली (केपी ओली) ले सोमबार

अध्यक्ष ओली आज प्रधानमन्त्रीमा नियुक्त हुँदै

असार ३०,काठमाडौँ । राष्ट्रपति रामचन्द्र पौडेलले सरकार गठनका लागि तोक्नुभएको समयसीमा सकिएपछि आज नयाँ प्रधानमन्त्री नियुक्ति

राष्ट्रपतिबाट आह्वान लगत्तै ओलीलाई प्रधानमन्त्रीमा दाबी गर्ने कांग्रेस-एमालेको तयारी

असार २८, काठमाडौँ। प्रतिनिधिसभामा प्रधानमन्त्री पुष्पकमल दाहाल ‘प्रचण्ड’ले विश्वासको मत नपाएपछि राष्ट्रपति रामचन्द्र पौडेलबाट नयाँ सरकार