चुनावपछि सरकारमा को जाने, प्रधानमन्त्री कसले खाने ?


नेता हुनका लागि धेरै गुण चाहिन्छ । नेताको मन जहिले पनि फराकिलो हुनुपर्छ । सच्चा नेता कहिले पनि पद र पैसाको दौडिँदैन् । नेपाली कांग्रेसका नेता गणेशमान सिंहलाई राजाले प्रधानमन्त्री खाऊँभन्दा पनि उनले त्याग गरेको सबै जनतालाई स्मरण नै छ । उनले म प्रधानमन्त्री खाँदिन, पदबिनै जनताका लागि काम गर्छु भनेका थिए । मरेर गएपनि अहिले जुनसुकै पार्टीका नेताले गणेशमानलाई राम्रो नेता भन्छन् ।
बाबु त्यागी भएपनि छोरा प्रकाशमान ठ्याक्कै त्यसको उल्टो स्वभावका छन् । राजनीतिक परिवर्तन गर्नका लागि गणेशमान जेल गए, थुप्रै यातना भोगे, भूमिगत गए । बुवाले गरेको लगानीलाई अस्त्र बनाएर यतिखेर प्रकाशमानले ब्याज खाने भाँडो बनाएका छन् । बुवाको नाम बेचेर उनले राजनीति गर्दै आइरहेका छन् । कहिले बुवाको नाम लिएर पार्टीको सभापति लड्ने ।
मेरो बुवाको नामले पनि कांग्रेसका कार्यकर्ताले मलाई भोट दिन्छन् भनेर सभापतिमा होमिने । सय भोटमा सीमित भएपछि पार्टी सभापति शेरबहादुर देउवाकै शरणमा पुग्ने । बुवाकै नाम लिएर श्रीमती सिर्जनालाई काठमाडौंको मेयरमा उठाउने । काठमाडौंका जनताले चिन्दै नचिनेको, राजनीतिमा लाग्दै नलागेका व्यक्तिलाई काठमाडौंको मेयरमा उठाइयो । प्रकाशमानको दबाबमा परेर सिर्जनाले टिकट पाइन्, अन्ततः हार नै खेप्नुपर्यो ।
उनले म गणेशमानको बुहारी भनेर भोट मागिन् । मैले घर राम्ररी चलाए, अब महानगरपालिका चलाउँछु भनिन् । तर, काठमाडौंबासीले पत्याउँदै पत्याएनन् । काठमाडौं क्षेत्र नम्बर १ बाट प्रकाशमानले तीनचोटि चुनाव जितिसकेका छन् । २०६४, २०७०२०७४ को चुनावमा उनले बाजी मारेका थिए । आसन्न चुनावमा पनि कांग्रेसबाट उनी नै उम्मेदवार छन् ।
तर, तीनपटक चुनाव जित्दा पनि क्षेत्र नम्बर १ को विकास त्यति राम्रो छैन् । प्रकाशमानले सिन्कोसमेत नभाँचेको यहाँका स्थानीयबासीहरुको गुनासो छ । पार्टीमा जहिले पनि गुट बनाउने अनि पदको लागि बार्गेनिङ गर्ने । अनि आफ्नो क्षेत्रमा आएको बजेटमा रजाँइ गर्ने । क्षेत्र नम्बर १ मा भएका सरकारी सम्पत्ति जोगाउन कुनै चासो नदेखाउने । उक्त क्षेत्रमा भएका गुठीका जग्गा, ताल, पोखरी, सार्वजनिक जग्गा, ढुंगेधारा, चौतारा, पार्टीपौवा सबै व्यक्तिको नाममा गइसकेको छ ।
सो खोजतलास गर्नतर्फ पनि उनको ध्यान गएन् । यो क्षेत्रका जनताहरुको भनाइअनुसार यो चुनावमा प्रकाशमानलाई गार्‍हो  छ । उनको विगतका काम हेरेर स्थानीयबासीले उनलाई मत दिने छैनन् । प्रकाशमानले तपाईहरु मलाई भोट दिएर चुनेर पठाउनुहोस्, अब प्रधानमन्त्री बन्ने पालो मेरो हो भन्दै भोट मागिरहेका छन् । यता, काठमाडौं क्षेत्र नम्बर ४ का उम्मेदवार गगन थापा पनि सोही कुरा बताउँदै आएका छन् ।
मंसिर ४ गतेपछिको पहिलो प्रधानमन्त्री मै हो भन्दै गगन घरदैलो पुगेका छन् । कांग्रेसका प्रवक्ता प्रकाशशरण महतले चुनावपछि देशको प्रधानमन्त्री शेरबहादुर देउवा हो भनिसकेका छन् । यता, नेकपा माओवादी केन्द्रका अध्यक्ष पुष्पकमल दाहालले पनि प्रधानमन्त्री बन्ने इच्छा देखाएका छन् । देउवासंग भेटवार्ता गरेर उनले पाँच वर्षको कार्यकालमा आधाआधा प्रधानमन्त्री खाने कुरा राखिसकेका छन् ।
कांग्रेसभित्र देउवाको बहुमत छ । अहिलेको चुनावमा पनि देउवा पक्षका उम्मेदवार बढी छन् । कांग्रेसले एकल बहुमत ल्याउँदैन भन्ने त सबैलाई थाहा छ । माओवादीको सहयोगबिना सरकार बन्न असम्भव छ । गगन डा.शेखर कोइरालाको गुटको मान्छे हुन् । शेखरको गुटले अहिले कति क्षेत्रमा टिकट पाएका छन् ? यो जनता र कांग्रेस पार्टीलाई थाहा छ । क्षेत्र नम्बर ४ बाट चुनाव हार्ने भएपछि गगनले यो रणनीति अप्नाएको बुझिन्छ ।
उनले चुनाव जितेपनि अर्को २० वर्ष उनी प्रधानमन्त्री हुन पाँउदैनन् । यसअघि पनि विभिन्न आश्वासन दिलाएर भ्रममा पारेर उनले चुनाव जितेका हुन् । योचोटि जनतालाई झुक्याउने गाह्रो पर्ने भएपछि उनले प्रधानमन्त्रीको कार्ड फालेका हुन् । प्रकाशमान गुण्डा पाल्ने मान्छे हो, गगन आफैं गुण्डा हुन् । उनले गुण्डाको भरमा राजनीति गरेका हुन् । गगनसंग राजनीति गर्ने क्षमता पनि छैन् ।
राजनीति गर्न धैर्यता, नम्रतालगायतका गुणहरु आवश्यक छ । जुन उनीमा अलिकति पनि छैन् । कसैलाई गाली गर्नुपर्यो भने आँखा चिम्लेर गाली गर्छन् । मिडियाबाजी गरेर गगन अगाडि आए । तर, उनी कस्ता व्यक्ति हुन् भनेर मिडियाले खोजतलास गरेन् । उनको भित्री तथ्य खोताल्न कोही पनि सफल भएन् । मिडियामा जे आयो, जनताले त्यही पत्याए । देखाउने र चपाउने दाँत छुट्टाछुट्टै भएका व्यक्तिको आनीबानी पनि त्यस्तै हुन्छ । 
गगन माओवादीको ‘खुंखार’ विरोधी हुन् । हिजो उनले माओवादीको धजिया उडाएका थिए । माओवादी र नेकपा एकीकृत समाजवादी पार्टीप्रति आस्था राख्ने व्यक्तिले उनलाई भोट दिँदैनन् । माओवादीलाई सिद्धयाउने पनि गगन नै हुन् । यो क्षेत्रका जनतालाई विभिन्न प्रलोभन देखाएर, पैसा बाँडेर गगनले चुनाव जितेछन् भनेपनि प्रचण्डले उनलाई कुनै हालतमा प्रधानमन्त्री बन्न दिँदैनन् ।
राजनीति र कुटनीतिमा प्रचण्डको अगाडि गगन बच्चा हुन् । आफूमाथि आउनका लागि जतिबेला पनि प्रचण्डलाई चुनौती दिन्थे । प्रचण्ड जुन क्षेत्रबाट चुनाव लड्छ, म त्यहीबाट चुनाव लड्छु भनेर गगन भाषण दिइहाल्थे । उनी जहिले पनि प्रचण्डको विरोध गर्थे र मिडियाले पनि यही विषयलाई हाइलाइट बनाउथ्यो । प्रचण्डको दउरा समातेर गगन यहाँसम्म आइपुगेका हुन् ।
प्रचण्डले मुटुमाथि ढुंगा राखेर केही भनेका छैनन् । उनी धैर्यताका साथ हिँडेका छन् । हिजो माओवादी टुक्राटुक्रा बनाउन पनि गगनको ठूलो हात छ । प्रचण्डको जालमा नेकपा एमाले त फस्यो । एमाले टुक्राटुक्रा बन्यो, केपी शर्मा ओली, महेश बस्नेत, शंकर पोखरेल, गोकुल बाँस्कोटा एकातिर झलनाथ खनाल, माधव नेपाल अर्कोतिर । एमालेसंग प्रचण्डले बदला पूरा गरिसकेका छन् ।
आफूमाथि लागेको चोटमा उनले आधा मल्हम लगाइसकेका छन् । अब पालो कांग्रेसको । मंसिर ४ पछि कि देउवा र प्रचण्डले आधाआधा प्रधानमन्त्री खाने सहमति हुन्छ । गगनले प्रधानमन्त्री सुघ्न पनि पाँउदैनन् । कि त कांग्रेस टुंक्राटुक्रा हुन्छ । गगनले निहुँ खोजेपनि प्रचण्डको भनाइमा आएर देउवाले कांग्रेसको साधारण सदस्यसमेत नरहने गरी उनलाई हटाइदिन्छन् ।
हिजो एमाले र माओवादी एक हुँदाखेरि प्रचण्डले ओलीलाई पार्टीको साधारण सदस्य नरहने गरी निष्काशन गरेको त कसैले बिर्सिएका छैनन् । ओलीलाई त नछोडेकाले गगनलाई बाँकी राख्छन् ? गगनको राजनीतिको डोरो प्रचण्डको हातमा छ । हिजोजस्तो दबाब दिन्छु, पार्टीका नेता कार्यकर्तालाई घुँडा टेकाउँछु भनेर गगनले नसोच्दा नै बेस हुन्छ । किन कि कांग्रेस एक्लैले सरकार चलाउन सक्दैन् ।
माओवादीको सहारा चाहिन्छ । माओवादीले गगनलाई अघि बढ्न दिँदैनन् । कांग्रेस माओवादीकरण भइसकेको छ । कांग्रेसको सिद्धान्त र विचार माओवादीले सखाप पारिदियो । पार्टी कार्यालयमा गिरिजाप्रकाश कोइराला, गणेशमान सिंह, कृष्णप्रसाद भट्टराई, मातृकाप्रसाद कोइरालालगायत अन्य कांग्रेसका नेताको फोटो हटाएर प्रचण्डको फोटो राख्दा राम्रो होला ।
देशको राजनीति शक्ति प्रचण्डको हातमा गएको छ । प्रचण्डले जे भन्छन्, त्यही हुन्छ । देउवा, रामचन्द्र पौडेल, गगन, प्रकाशमानलगायत अन्य कांग्रेसी नेता पदका लागि प्रचण्डको शरणमा जाने दिन आयो । प्रचण्ड इतिहास बिर्सिएझै गरी बसिरहेका छन् । हिजो माओवादी नेताहरुको टाउकोको मूल्य ५० लाख राख्ने देउवा नै हुन् । देउवाको घोषणालाई पैतालामुनि राखेर प्रचण्ड हिँडिरहेका छन् ।
कांग्रेसलाई सिद्धयाएर आफुमाथि जानका लागि प्रचण्डले रणनीति बनाए । हिजो एमालेको नेताहरुको नारी छाम्यो अब पालो कांग्रेसीको । एमाले र कांग्रेसले अब प्रचण्डको शरणमा आउनुपर्छ । चुनावपछि कांग्रेस फुटेर चार टुक्रा हुन्छ । एमाले पनि थप टुक्रामा विभाजित हुन्छ । एमालेले आफ्नो धेरै क्षेत्रबाट हात धुँदै छ । जसको कारण एमाले पनि टुक्रिन्छ । घुमाइघुमाइ एमाले र कांग्रेसलाई प्रचण्डले सिद्धयाइदियो । राजनीति र कुटनीतिमा प्रचण्डमा कसैले भ्याउँदैन् । प्रचण्ड सबैको गुरु हुन् ।

प्रतिक्रिया दिनुहोस्
सम्बन्धित वर्गका समाचारहरू

राष्ट्रपतिबाट आह्वान लगत्तै ओलीलाई प्रधानमन्त्रीमा दाबी गर्ने कांग्रेस-एमालेको तयारी

असार २८, काठमाडौँ। प्रतिनिधिसभामा प्रधानमन्त्री पुष्पकमल दाहाल ‘प्रचण्ड’ले विश्वासको मत नपाएपछि राष्ट्रपति रामचन्द्र पौडेलबाट नयाँ सरकार

कांग्रेस बैठकले गरेका चार निर्णय

 असार १९,काठमाडौँ । नेपाली कांग्रेस केन्द्रीय कार्यसम्पादन समितिको बैठकले नेकपा (एमाले) सँग नयाँ सत्ता सहकार्यको

कांग्रेस-एमाले सहमतिमा के छ ? 

पीपल नेपाल संबाददाता बिजय प्याकुरेल असार १८, काठमाडौं । माओवादी केन्द्रका अध्यक्ष पुष्पकमल दाहाल प्रचण्ड

ओलीको नेतृत्वमा राष्ट्रिय सहमतिको सरकार : शङ्कर पोखरेल

  असार १८, काठमाडौँ। नेपाल कम्युनिष्ट पार्टी (एमाले) का महासचिव शङ्कर पोखरेलले राजनीतिक स्थायित्वका लागि

फणीन्द्र माथिको कारबाही  कार्यान्वयन नगर्न सर्वोच्चको आदेश

 असार १०.काठमाडौँ। सर्वोच्च अदालतले गण्डकी प्रदेशका निलम्बित सांसद फणीन्द्र देवकोटाको पक्षमा अन्तरिम आदेश जारी गरेको

संवैधानिक परिषद् विधेयकसम्बन्धी राज्यव्यवस्था समितिको प्रतिवेदन प्रतिनिधि सभामा पेश

काठमाडौँ, जेठ २१ गते । प्रतिनिधि सभा बैठकमा संवैधानिक परिषद् (काम, कर्तव्य, अधिकार र कार्यविधि सम्बन्धी