३० असोज,भक्तपुर । नेकपा एमालेका पोलिटब्युरो सदस्य,पुर्व मन्त्री एवं भक्तपुर निर्वाचन क्षेत्र नं.२ बाट प्रतिनिधिसभा सदस्य उम्मेदवार महेश बस्नेतले मुलुकलाई श्रीलंका बनाउन खोज्ने शक्तिहरु अहिले पनि सत्तामा रहेकोले देशको अर्थतन्त्र चौपट भईरहेको बताउनुभएको छ ।
आईतवार प्रेस चौतारी नेपाल जिल्ला शाखा भक्तपुरले आयोजना गरेको ‘नेकपा एमालेका उम्मेदवारसंग सञ्चारकर्मी’ बिषयक कार्यक्रमलाई सम्बोधन गर्दै नेता बस्नेतले यस्तो बताउनुभएको हो । 
पुर्व प्रधानमन्त्री केपी ओली सरकारको पालामा देशको अर्थतन्त्र मजबुत थियो । कोरोना महामारीको समयमा पनि ३ प्रतिशतका दरले अर्थतन्त्रले प्रगती गरिरहेको स्मरण गर्दै उहाँले भन्नुभयो ‘ओलि सरकारको पालामा हाम्रो अर्थतन्त्रले ७.१ प्रतिशतका दरले प्रगती गरिरहेको थियो । सरदर दुईहजार डलर बार्शिक आम्दानी पुर्याउने भनेर सरकार लागेको थियो । तर आज अर्थतन्त्र चौपट भैरहेको छ । अब आउने कार्तीकदेखी १८ प्रतिशत ब्याज पुर्याउने भन्ने कुराहरू सूनिन्छ । सहकारी डुब्दै छ । बैंकहरुको बिचल्ली छ । उद्योगि ब्यवसायीहरु रुदै हिंडेको स्थिति छ । सेयर मार्केट डामाडोल छ । अर्थतन्त्रले मुलुक चौपट हुने स्थितिमा छ र मुलुकलाई श्रीलंका बनाउन खोज्ने शक्तिहरू अहिले सत्तामा छन ।’
वर्तमान अर्थमन्त्रीलाई त्यसतर्फ ध्यान नभएको भन्दै उहाँले भन्नुभयो ‘प्रधानमन्त्री पत्नी आर्जु राणा देउवा बालुवाटारमा बसेर हांस्यास्पद तर्क गर्दै अर्कै शासन चलाइरहनुभएको छ । हामी लाई जिताइदिनुभयो भने बिदेश पठाइदिन्छु भनेर डडेल्धुरामा भाषण गर्नुहुन्छ । डडेल्धुरा र बालुवाटारको समन्ध खुल्ला सिमसिम जस्तै हो । के शेर बहादुर देउवाको जिल्ला बाहेक अरुको बालुवाटारमा पहुँच नहुने ? यहि हो हामीले खोजेको लोकतन्त्र ? नेता बस्नेतले प्रश्न गर्नुभएको छ ।’
अर्थमन्त्रीले बिचौलियाहरु संग सेटिङ गरेर प्रधानमन्त्रीको छोराले आयात गर्ने सेनेटरी प्याडदेखी अर्थमन्त्रीसंग नजिक भएका ब्यक्तिहरुको आईरन उद्योग र सिमेन्ट उद्योगहरुलाई आयातमा ९० प्रतिशत भन्सार छुटदेखी अन्य कमिसन खाने खेलमा रहेकोले सरकारले महङ्गी तिनगुना बढाएको बताउंदै नेता बस्नेतले भन्नुभयो ‘हिजो महङ्गी ३.६७ प्रतिशत थियो भने अहिले त्यसको तिनगुना बढी ९ प्रतिशत पुर्याएर जताततै अभाव सृजना गरेकोले गठबन्धन असक्षम भैसकेको छ । यसलाई जनताले जतिसक्दो चांडो फाल्न चाहेका छन ।’
कार्यक्रममा नेकपा एमाले भक्तपुर क्षेत्र नं-१ को प्रतिनिधिसभा सदस्य उम्मेदवार नवराज गेलाल, प्रदेशसभा सदस्य उम्मेदवारहरु किरण थापा,चंदन कृष्ण श्रेष्ठ, मोहनवीर श्रेष्ठ, नारायणसुन्दर सिन्ताकल लगाएतले पनि आ-आफ्नो चुनावी एजेन्डाको बिषयमा मन्तव्य राख्नुभएको थियो ।
वैशाख २७, विराटनगर। कोशी प्रदेशको मुख्यमन्त्रीमा नेकपा (एमाले) संसदीय दलका नेता हिक्मतकुमार कार्की नियुक्त हुनुभएको
काठमाडौँ, २५ वैशाख । वैदेशिक रोजगारीका नाममा पछिल्लो समय ठगीका घटना बढेपछि श्रम, रोजगार तथा सामाजिक
वैशाख २३ । प्रतिनिधि सभाका सभामुख देवराज घिमिरेले सुनसरीको चतरामा लागेको महाकुम्भ भेलाले आन्तरिक तथा बाहय
वैशाख १७, काठमाडौँ। सरकारले तोकेको न्यूनतम पारिश्रमिक नदिने उद्योग र प्रतिष्ठानको सङ्ख्या छ प्रतिशतले बढेको
वैशाख १४,काठमाडौँ । प्रधानमन्त्री पुष्पकमल दाहाल ‘प्रचण्ड’ले देशमै बसेर केही गर्नुपर्छ भन्ने भावना जागृत गर्न
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए