महिला सशक्तीकरणका लागि २५ प्रतिशत बजेट माग गर्दै पैरवी अभियान

स्थानीय तहमा विनियोजित कूल बजेटबाट महिला सशक्तिकरणका लागि न्यूनतम २५ प्रतिशत बजेट छुट्याउनुपर्ने मागसहित सात राजनीतिक दलका १ सय जना महिला नेताको भेलाले नीति तथा पैरवी अभियान शुरु गरेको छ । समृद्ध नेपालका लागि सशक्त महिला भन्ने नाराका साथ भेलाले पाँच दिने अनुशिक्षण कार्यक्रमपछि देशव्यापी रुपमा एक सुत्रीय अभियान सुरु गरेको हो । 

आर्थिक स्रोतमा महिलाहरुको सहज पुहँच र त्यसमाथिको नियन्त्रण विना महिलाको आर्थिक सशक्तिकरण संभव नभएकोले स्थानीय तहबाटै यो अभियान सुरु गर्नुपर्ने देखिएको बताउँदै मिडिया एडभोकेसी ग्रुपकी अध्यक्ष बबिता बस्नेतले यसका लागि संघ, प्रदेश र स्थानीय तहमै महिला लगानी बढाउनकालागि महिला केन्द्रित नीति  आवश्यक रहेको बताइन् । नेपालमा महिलाको सशक्तिकरणको अवस्था अनुसार महिलाले पुरुषभन्दा थोरै कमाउँछन् । भने धेरै महिलाको बैंक खाता छैन र रोजगारीमा रहेको महिलाको अनुपात घटेको छ । 
असोजको १ गतेदेखि ५ गतेसम्म नेशनल डेमोके्रटिक इन्स्टिच्युटको संयोजन तथा संचार क्षेत्र, नागरिक समाज र प्राज्ञिक क्षेत्रका गरी ८ जना महिला अनुशिक्षकहरुको सहजीकरणमा नेकपा, कांग्रेस, राजपा, संघीय समाजवादी फोरम, राप्रपा, नयाँ शक्ति र विवेकशिल साझा गरी सात दलका १ जना महिला नेताको भेला मार्फत उक्त अभियान सुरु भएको हो ।