काठमाडाैँ, ८ माघ । एमाले र माओवादी केन्द्रबीच एकता गर्न गठित पार्टी एकता संयोजन समितिको बैठक सम्पन्न भएको छ । एमाले अध्यक्ष केपी ओली निवास बालकोटमा बसेको बैठकले तीन निर्णय गर्दै सम्पन्न भएको हो ।
पार्टी एकता र नयाँ सरकार गठनलगायतका विषयमा निर्णय गर्न बसेको बैठकमा दुवै पार्टीका शीर्ष नेताहरु सहभागी भएका थिए । दुई पार्टीका अध्यक्ष्यद्वयले शुक्रबार र शनिबार गृहकार्य गरेर संयोजन समितिको बैठक बसेपनि आजको बैठकबाट विवादित विषयलार्इ किनारा लगाउन नसकिएको बताइएको छ । आइतबारको बैठकले प्रदेश सरकारको गठन र राष्ट्रिय सभाको निर्वाचनबारे रिपोर्ट पेश गर्न बनेको संयुक्त कार्यदलको प्रस्तावलाई अनुमोदन गरेको छ । जसअनुसार राष्ट्रिय सभा सदस्यमा एमालेका तर्फबाट २९ जना र माओवादी केन्द्रका तर्फबाट १४ जना उम्मेद्वार रहनेछन् ।
बैठकले नयाँ सरकारले समृद्धि र सुशासनका क्षेत्रमा गर्ने कामका बारेमा गृहकार्य गर्न सात सदस्यीय कार्यदल गठन गरेको छ । आइतबार एमाले अध्यक्ष ओली निवासमा बसेको बैठकमा बाम गठबन्धनको साझा घोषणा पत्रमा उल्लेख भए बमोजिमको सुशासन र समृद्धिको लक्ष्य हासिल गर्न सात सदस्यीय कार्यदल गठन गरिएको हो । एमाले उपाध्यक्ष बामदेव गौतमको संयोजकत्वमा गठित कार्यदलमा एमालेबाट भीम रावल, डा. विजय पौडेल, युवराज खतिवडा र माओवादी केन्द्रबाट वर्षामान पुन, गिरीराजमणि पोखरेल र डा. मीनबहादुर श्रेष्ठ सदस्य रहेका छन् ।
संयोजन समितिको बैठकले प्रदेश सरकार, मुख्य मन्त्री, सभामुख लगायतका पदहरुको विषयमा रिपोर्ट पेश गर्न कार्यदललाई थप समय प्रदान गरेको छ । राष्ट्रिय सभाको निर्वाचनको मिति नजिकिएका कारण उक्त विषयलाई प्राथमिकतामा राखेर प्रदेश सरकारका बारेमा छलफल गर्दै जान नेताहरु सहमत भएका हुन् । शीर्ष नेताहरुले छिटो र व्यवस्थित रिपोर्ट पेश गरेकोमा कार्यदललाई धन्यवाद दिएका थिए ।
त्यसैगरी एकीकृत पार्टीको संगठनात्मक ढाँचामा छलफल भए पनि यसबारे कुनै निर्णय हुन सकेन । दुवै पार्टीमा आन्तरिक छलफल र थप गृहकार्यपछि संयुक्त कार्यदलले तयार पारेको मोडालिटीमा संयोजन समितिले थप छलफल गर्ने र टुंग्याउने विषयमा पनि आज सहमति भएको बताइएको छ ।
एकतापछिको पार्टीका अध्यक्षको बारेमा भने संयोजन समिति कुनै टुंगोमा पुग्न सकेन । दुवै पार्टीले आफ्नो अडान नछाडेपछि सहमति हुन नसकेको हो । दुवै अध्यक्ष कार्यकारी अध्यक्ष रहने, ओली प्रधानमन्त्री भए प्रचण्ड पार्टी अध्यक्ष हुनेलगायतका नेतृत्वको मोडलमा पनि छलफल भए पनि निर्णय हुन सकेन । यसबारे सहमति जुटाउन ओली र प्रचण्ड पुनः म्याण्डेटसहित छलफलमा जुट्ने बताइएको छ । बैठकमा एमालेबाट अध्यक्ष ओली, माधवकुमार नेपाल, झलनाथ खनाल, वामदेव गौतम र महासचिव ईश्वर पोखरेल सहभागी थिए भने माओवादी केन्द्रबाट अध्यक्ष प्रचण्ड, नेता रामबहादुर थापा ‘बादल’ र नारायणकाजी श्रेष्ठ सहभागी थिए ।
माओवादी अध्यक्ष प्रचण्डका प्रेस सल्लाहकार मनहरि तिमल्सिनाका अनुसार बैठकले तीनवटा निर्णय गरेको छ-
(१) प्रदेश सरकार गठन र राष्ट्रिय सभा निर्वाचनका लागि गठित कार्यदलकाे रिपाेर्ट अनुमाेदन गर्ने
(२) साझा चुनावी घाेषणा पत्रमा उल्लेखित विकास र समृद्धिकाे एजेण्डाकाे कार्यान्वयनका लागि गृहकार्य गर्न नयाँ कार्यदल गठन गर्ने
(३) एमाले अध्यक्ष केपी अाेली र माअाेवादी अध्यक्ष प्रचण्डबीच जारी छलफललाई निष्कर्षमा पुर्यार्इ वैचारिक र सांगठानिक कार्यदल बनाउने
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फागुन २६, काठमाडौं। सत्तारुढ प्रमुख घटक नेकपा (एमाले) का वरिष्ठ उपाध्यक्ष ईश्वर पोखरेलले नयाँ सत्ता
फागुन १८,काठमाडौं । नेकपा (एमाले) का अध्यक्ष एवं पूर्व प्रधानमन्त्री केपी शर्मा ओलीले नेपालमा अहिलेको राजनीतिक
फागुन ८, काठमाडौँ । समसामयिक राजनीतिक परिस्थितिबारे छलफल गर्न नेकपा (एमाले)को केन्द्रीय कमिटीको सातौँ पूर्ण बैठक