४ चैत, काठमाडौं । शुक्रबार काठमाडौंबाट प्रकाशित दैनिक पत्रपत्रिकाहरुमा सरकार र मधेसी मोर्चाबीच भएको सहमति प्रयासदेखि निर्वाचन आचारसंहिता मिचेर सांसदहरु विदेश सयरमा मस्त भएको सम्मका समाचारले महत्वपूर्ण स्थान पाएका छन् ।
यससँगै, निर्वाचनमा मतदातालाई अत्याधुनिक परिचयपत्र वितरण गर्नेलाई मुख्य समाचार बनाएको नयाँ पत्रिका दैनिकले प्रहरीबाटै व्यवसायीको अपहरण भएको समाचारलाई पनि उल्लेख गरेको छ ।
दर्जनौं सांसद विदेश भ्रमणमा भएकोलाई मुख्य समाचार बनाएको अन्नपूर्ण पोस्ट् दैनिकले आईजीपी नियुक्ति प्रकरणमा महान्यायाधिवक्ताले इसलासप्रति आपत्ति जनाएको समाचारलाई महत्वका साथ प्रकाशित गरेको छ ।
संविधान संशोधनको मुद्दा मिलाउन सरकार र मधेसी मोर्चाको संयुक्त कार्यदल गठन भएकोलाई राजधानी दैनिकले प्राथमिकता दिएको छ । त्यस्तै, आईजीपी बढुवा प्रकरणमा सर्वोच्च अदालतले मूल्यांकन अभिलेख बुझाउन २४ घण्टे आदेश दिएको समाचारले पनि महत्वपूर्ण स्थान पाएको छ ।
नागरिक दैनिकले राष्ट्रसंघीय मिसनको प्रश्नपत्र बाहिरिएको समाचारलाई खास महत्वका साथ छापेको छ । त्यस्तै संविधान संशोधन र निर्वाचनका ममलामा ‘पाँच दलका पाँचै तगरा’ भएको भएको विश्लेषणात्मक समाचारले प्राथमिकता पाएको छ ।
एनसेल लाभकर छली प्रकरणमा सरकार पछि हटेको समाचारलाई महत्व दिएको कान्तिपुर दैनिकले स्थानीय निर्वाचनमा ७९ दल भिड्नेलाई पनि उल्लेख गरेको छ ।
कञ्चनपुर घटनामा भारतले दुःख व्यक्त गरेको समाचारलाई गोरखापत्र दैनिकले प्राथमिकता दिएको छ । नेपाल समाचारपत्र दैनिकमा प्रधानमन्त्रीपुत्र प्रकाश दाहालले सुरक्षा चुनैती बढेको भन्दै आधुनिक हतियार लिएको समाचार र एनसेल प्रकरणमा प्रधानमन्त्री तानिएको समाचारलाई महत्वका साथ प्रकाशित गरेको छ ।
जेठ ९,काठमाडौँ । शिक्षा, विज्ञान तथा प्रविधिमन्त्री रघुजी पन्तले सञ्चारमाध्यमहरूबाट व्यक्तिहरू ‘भिक्टिमाइज’ हुने प्रवृत्ति बढ्दै गएको
निशा चौधरी ५ जेठ २०८२, समाजमा विभिन्न किसिमका नियम, कानुन, मूल्य र मान्यता रहेका हुन्छन्
०८२ वैशाख २९ गतेकाठमाडौँ । : महान्यायाधिवक्ता रमेश बडालले उच्च सरकारी वकील कार्यालय, पाटनको भवन शिलान्यास
कोलकाता, वैशाख १७ गते । भारतको कोलकाता सहरको एक होटलमा भीषण आगलागी हुँदा कम्तीमा १५ जनाको
चैत २९, काठमाडौं । मेडिकल व्यवसायी दुर्गा प्रसाईं पक्राउ पर्नुभएको छ । नेपाल प्रहरी प्रधान
काठमाडौँ, चैत १७ गते । प्रतिनिधिसभाको आजको बैठक सुरु हुनुअघि सभामुख देवराज घिमिरेले राजनीतिक दलका
