१५ फागुन, भक्तपुर । वासु शशी स्मृति परिषदले वरिष्ठ साहित्यकार हिरण्य भोजपुरेलाई “वासु शशी साहित्य सम्मान २०७९” प्रदान गर्ने निर्णय गरेको छ ।
यसैगरी साहित्यकार श्यामललाई नगद राशि २५,०००/- र सम्मानपत्रसहित “वासु शशी साहित्य पुरस्कार २०७९” प्रदान गर्ने निर्णय गरेको छ ।
यसैगरी अनुसन्धानकर्ता उप-प्राध्यापक डा. गोपीकृष्ण खतिवडालाई नगद राशि २१,०००/- र सम्मानपत्रसहित “वासु शशी पुरस्कार २०७९” प्रदान गर्ने निर्णय गरेको छ ।
सो निर्णय परिषद्का अध्यक्ष गणेश रसिकको अध्यक्षतामा बसेको कार्यसमितिको बैठकले गरेको हो ।
“वासु शशी साहित्य सम्मान”बाट सम्मानित वरिष्ठ साहित्यकार हिरण्य भोजपुरेका उपन्यासहरु “छिटेन”, “मेरी आमै” र “मेरी आमा ओ आमा”, कथाकृतिहरु “चौबाटोको चारैतिर”, “जँघारहरु” र “रङ्गहरु”, निबन्धकृति “नेपाली गीत-सङ्गीतका केही रङ्ग केही तरङ”, संस्मरणकृति “अमेरिका ओ अमेरिका”, गीतसङ्ग्रह “म गीतभित्र”, बालकवितासङ्ग्रह “मेरो मन मेरो माटो” तथा “सगरमाथाभन्दा माथि” आदि प्रकाशित रहेका
छन् ।
“वासु शशी साहित्य पुरस्कार”बाट सम्मानित कवि श्यामलका कविता सङ्ग्रहहरु “तपाईंहरू मार्फत्”, “लयव्रह्म”, “हतारमा यात्रा”, “कविले रोजेका कविता” (श्रव्य सिडी) र निबन्ध संग्रह: “रित्तो गाउँ”, तथा अनुवाद कृति गाब्रियल गार्सिया मार्खेजको उपन्यास “अभागी कर्नेल” आदि प्रकाशित रहेका छन् ।
“वासु शशी शाेध पुरस्कार”बाट सम्मानित अनुसन्धानकर्ता उप-प्राध्यापक डा. गोपीकृष्ण खतिवडाले नेपाल संस्कृत विश्वविद्यालयबाट ‘वासु शशीका नाटकमा नाट्यतत्व’ शीर्षकमा विद्यावारिधि गर्नु भएको हाे ।
वरिष्ठ कवि एवं नाटककार वासु शशीको ८७ औं जन्मजयन्ती आगामी चैत १३ गते आयोजना गरिने कार्यक्रममा सबै सम्मान प्रदान गरिने परिषद्का सचिव प्रधुम्न जोशीले जारी गर्नु भएको प्रेस विज्ञप्तीमा जनाइएको छ ।
वासु शशी साहित्य पुरस्कारबाट यस अघि कवि एवं साहित्यकारहरू विनोद अश्रुमाली, मञ्जु काँचुली, बद्री पलिखे, गणेश रसिक, हेम हमाल, विश्वविमोहन श्रेष्ठ, अशेष मल्ल, हरि अधिकारी, कृष्णभूषण बल, काजी रोशन, डा. विष्णुविभु घिमिरे, नरेन्द्रबहादुर श्रेष्ठ, डा. विमल कोइराला, तीर्थ श्रेष्ठ, कणाद महर्षि, उषा शेरचन, गोविन्द गिरी प्रेरणा, शैलेन्दुप्रकाश नेपाल, ईन्दिरा प्रसाई, राधेश्याम लेकाली र माेमिला पुरस्कृत भइसकेका छन् ।
यसैगरी वासु शशी साहित्य सम्मानबाट वरिष्ठ साहित्यकारहरु तीर्थराज वन्त, डा. मोहनहिमाशु थापा, तुलसी दिवस, भैरवनाथ रिमाल ‘कदम’, प्रदीप रिमाल, यादव खरेल, गीताकेशरी, शिव रेग्मी, परशु प्रधान, कालीप्रसाद रिजाल कृष्ण जोशी, रमा शर्मा, श्रीधर खनाल, ज्ञान उदास, भागिरथी श्रेष्ठ, कल्पना प्रधान, श्रेष्ठ प्रिया पत्थर, कर्ण शाक्य र शैलेन्द्र साकार, सम्मानित भइसकेका छन् ।
९ चैत,काठमाडौं । लोकतान्त्रिक समाजवादी पार्टी (लोसपा) नेपालले सत्ता गठबन्धनका दलहरुलाई सरकारमा सम्मानजनक सहभागिता गराउन
९ चैत,काठमाडौं। नेपालको सार्वजनिक ऋण २० खर्ब ८० अर्ब रूपैयाँ पुगेको छ। फागुनमा मात्रै १०
९ चैत,काठमाडौं । प्रधानमन्त्री पुष्पकमल दाहालले पत्रकार र सबै प्रकारका सञ्चार माध्यमहरुको पेशागत तथा भौतिक
काठमाडौं । सुरतको तल्लो अदालतले आपराधिक मानहानि मुद्दामा कांग्रेस नेता राहुल गान्धीलाई दुई वर्षको जेल
९ चैत,काठमाडौँ । नेकपा एमालेका महासचिव शङ्कर पोखरेलले एमाले बलियो प्रतिपक्षीका रूपमा उभिएकाले पार्टी सङ्गठन
९ चैत,काठमाडौं । नेपाली कांग्रेसका महामन्त्री गगनकुमार थापाले प्रधानमन्त्री पुष्पकमल दाहाललाई नागरिकलाई नतर्साउन आग्रह गरेका