वर्ल्डलिङ्कलाई नोकियाको ‘होम कनेक्टिभिटी सर्भिस इनोभेसन’ अवार्ड

८ पुस, काठमाडौं । नेपालकै सबैभन्दा ठुलो ईन्टरनेट सेवा प्रदायक कम्पनी वर्ल्डलिङ्क कम्युनिकेसन्स लिमिटेड नोकिया जिटिएफएफ फिक्स्ड नेटवर्क्स कस्टुमर अवार्ड २०२२ बाट सम्मानित भएको छ। 

सेवामा नवप्रवर्तन ल्याउन सफल भएको भन्दै कम्पनीले यस्तो अवार्ड दिएको हो । नोकियाका अनुसार होम कनेक्टिभिटी सर्भिस इनोभेसनका लागि वर्ल्डलिङ्कलाई बिजेताको रुपमा चयन गरिएको हो ।

हिमाल,बरफ तथा हिउँ,खोला एवं वन्यजन्तु जस्ता परिस्थितिमा समेत ग्राहकलाई जोडेको नोकिया वायरलेस क्लाउड कन्ट्रोलरमा अग्रणी भुमिका निर्वाह गरेकोले सर्भिस इनोभेसन:इन-होम कनेक्टिभिटी विधा अन्तर्गतको अवार्ड वर्ल्डलिङ्कलाई प्रदान गरिएको छ । नोकियाको नेटवर्क पुर्वाधार,एफएन सीटीओ तथा एमसीए विभागका सोलुसन सपोर्ट लिड स्यारी एन्नीले भनेकी छिन् ।

नोकियाले यही डिसेम्बर ७-८ सम्म सिङ्गापुरमा आयोजना गरेको गेट टु फास्ट फास्टर २०२२ कार्यक्रम माझ वर्ल्डलिङ्कलाई यो अवार्ड प्रदान गरिएको थियो ।

हाल कम्पनीको ईन्टरनेट सेवा प्रयोग गर्ने ग्राहकको सङ्ख्या सात लाख भन्दा बढी तथा प्रयोगकर्ताको सङ्ख्या ३० लाख भन्दा धेरै रहेका छन । नेपालमा एकजना ग्राहकले जोडेको ईन्टरनेट औषत ४:३२ जनाले प्रयोग गर्दै आएका छन ।

देशको सातै प्रदेशका ७४ जिल्लामा वर्ल्डलिङ्कको ईन्टरनेट सेवा पुगिसकेको छ । कम्पनीले देशका विभिन्न १४ हजार भन्दा बढी स्थनमा फ्री वाई फाई सेवा समेत उपलब्ध गराउँदै आएको छ ।

त्यस्तै,आयात हुने कूल अन्तर्राष्ट्रिय ईन्टरनेट ब्यान्डविथ मध्ये वर्ल्डलिङ्क अन्तर्गत ४२ प्रतिशत भन्दा बढी खपत हुने गरेको छ ।

नियामक नेपाल दूरसञ्चार प्राधिकरणको तथ्याङ्क अनुसार नेपालको फिक्स लाइन इन्टरनेट सेवामा वर्ल्डलिङ्क कम्युनिकेसन्सको बजार हिस्सा करिब ३५ प्रतिशत रहेको छ ।