दुबईमा दर्जनौं युवाहरूलाई अलपत्र पार्ने मेनपावरलाई कार्वाही प्रक्रिया शुरु

२८ भदौ,काठमाडौं ।
बिगत ६ महिनादेखि दुबई पुर्‍याएर दर्जनौं युवाहरुलाई अलपत्र पार्ने काठमाडौंको सिनामंगलमा रहेको Leading Foreign Recruitment Pvt.ltd नाम गरेको मेनपावरलाई वैदेशिक रोजगार बिभागले कार्वाही प्रक्रिया अगाडी बढाएको छ।

पिडितको आफन्तहरुले गत सोमबार बिभागमा दिएको निवेदनको आधारमा सोमबारनै Leading Foreign Recruitment Pvt.ltd लाई तीन दिन भित्र लिखित जवाफ सहित बिभागमा उपस्थित हुनको लागि पत्राचार गरेको हो।

Leading Foreign Recruitment Pvt.ltd ले ६ महिना अघि दर्जनौं युवाहरुसंग २ लाख ५० हजार देखि ३ लाख ५० हजार सम्म रकम लिएर,युयईमा रहेको UPLIFT DELIVERY SERVICES भन्ने कम्पनीको करार पत्रमा सम्झौता गराएर प्रतिब्यक्ती २७ सयदेखि ३ हजार दिराम पारिश्रमिक दिलाउने प्रलोभन देखाएर दुबई पठाएको थियो।

‘युयईमा अलपत्र पीडितरुको परिवारले दिएको उजुरीका समन्धमा आजका मितिले ३ दिन भित्र बिभागलाई निवेदकको माग दावीको समन्धमा वैदेशिक रोजगार ऐन,०६४ को दफा ३५(१) बमोजिम उक्त संस्थाले करारको दायित्व पूरा गरेको वा करारमा उल्लेख शर्त पूरा गराउन आवश्यक र उपयुक्त कार्वाही/पहल गरेको स्पष्ट खुल्ने प्रमाण समेत संलग्न राखी लिखीत जवाफ सहित उपस्थित हुन निर्देशन अनुसार अनुरोध छ।अन्यथा कानुन बमोजिम हुने ब्यहोरा समेत जानकारी गाराईन्छ।’ चिठिमा लेखिएको छ।