निर्वाचन आचारसंहिताका कारण नतिजा स्थगित गर्न लागिएको यातायात व्यवस्था विभाग स्रोतले जनाएको छ । विभागले २६ चैतमा गोलाप्रथाबाट नतिजा सार्वजनिक गर्ने अन्तिम तयारी गरिसकेको थियो । तर, त्यसमा निर्वाचन आयोगले त्यसमा पनि अचारसंहिता लाग्ने भन्दै चासो दिएपछि सार्न लागिएको हो । विभागले बिहीबार यससम्बन्धी निर्णय गर्दै छ ।

भूकम्पले धेरै क्षति पुर्याएका १४ जिल्लाका सर्वसाधारणलाई गोलाप्रथाको माध्यमबाट सरकारले नयाँ ट्याक्सी दर्ता गर्ने सुविधा दिन लागेको हो । १५ सय ट्याक्सी नम्बरका लागि एक लाख ४९ हजारले आवेदन दिएका छन् । आवेदन दिने सबैको नाम रहेको पुस्तक प्रकाशन गरिने र त्यसलाई १४ जिल्लाकै जिल्ला प्रशासन, मालपोत तथा प्रहरी कार्यालयमा पठाएर रुजु गरिसकेको छ ।

नतिजा सार्वजनिक गर्न विभागका निर्देशक सोम फुँयालको संयोजकत्वमा एक समिति गठन गरिएको थियो । भूकम्पपीडितलाई राहतस्वरूप सरकारले ट्याक्सी नम्बर दिन लागेको हो । सरकारले ट्याक्सी दर्ता लामो समयदेखि रोक्दै आएको छ । गोलाप्रथामा छनोट हुनेले ट्याक्सी नम्बर मात्र पाउनेछन्