ललितपुर –शुक्रवार दिउँसो ठिक दुई बजेको थियो, ललितपुरको ग्वार्को चोकमा ड्युटीमा रहेका ट्राफिक प्रहरीले एउटा टाटा सुमोलाई रोक्न ईशारा गरे । सुमो रोकियो, नजिकै गएर प्रहरीले लाईसेन्स माग्दै सोधे, ‘हर्न किन बजाएको ?’
को १ ज १९२५ नम्बरको ओखलढुंगा–काठमाडौं चल्ने सुमो चालक बोल्न मात्रै के खोजेका थिए ह्वास्स रक्सीको गन्ध अयो । त्यसपछि ट्राफिक जवानले महानगरीय ट्राफिक प्रहरी परिसर ललितपुरका इन्चार्ज सिताराम हाछेथुलाई सम्पर्क गरेर सोधे, ‘एउटा सुमोले हर्न बजाएपछि समातेको मापसे गरेको भेटियो । चिट काटेर छाड्ने हो सर ?’
सर्वसाधारण बोकेर हिँड्ने गाडी चालकले मापसे गरेको सुनेपछि ट्राफिक इन्सपेक्टर हाछेथु छक्क परे । उनले हर्न बजाएकोमा चिट काट्न भन्दै मापसे जाँचका लागि चालक दीपिन थापालाई अस्पताल पठाउन निर्देशन दिए ।
‘मेडिकल जाँचबाट मापसे पुष्टि भएपछि उनलाई अहिले महानगरीय प्रहरी परिसर सातदोबाटोको हिरासतमा राखिएको छ’ इन्सपेक्टर हाछेथुले भने, ‘मापसे गरेर सार्वजनिक सवारी चलाएको हुनाले चालक दीपिन थापामाथी सार्वजनिक अपराधमा मुद्धा दर्ता गरेर कारवाही अगाडी बढाईन्छ ।’
प्राईभेट गाडी चालकले मापसे गरेर चलाएमा सामान्य जरिवाना र एक दिन सचेतना कक्षा लिनुपर्ने भएपनि सार्वजनिक सवारीहरु जस्तै– बस, ट्याक्सि, माईक्रो, टाटासुमो जस्ता सवारी चालकलाई सार्वजनिक अपराधमा मुद्धा चलाउने कानुनी ब्यवस्था रहेको छ ।
ललितपुर बस्दै आएका दीपिन थापा ओखलढुंगबाट लिएर आएको यात्रुहरुलाई कोटेश्वरमा ओरालेर सुमो सहित आफ्नो डेरामा जाँदै थिए । गत वैशाख १ गतेदेखि उपत्यकामा हर्न निषेध गरेको हुनाले थापाले हर्न बजाएपछि प्रहरीले उनलाई रोकेको थियो ।
‘हर्न बजाउँदा आफू जेलमै परेको’ भन्दै चालक थापाले ईन्सपेक्टर हाछेथुसँग झुक्किएर हर्न थिचेको बयान दिएका छन् ।
सार्वजनिक अपराध मुद्धामा प्रमुख जिल्ला अधिकारीले चालक थापालाई २५ दिन थुनामा राखेर १ हजार देखी २८ हजारसम्म जरिवाना गर्नसक्ने कानुनी ब्यवस्था रहेको छ । जिल्ला प्रशासन कार्यालय लतिलपुरले सार्वजनिक सवारीले मापसे गरेको केशमा हालसम्म १० हजारभन्दा कम जरिवाना गरेको छैन । ट्राफिक प्रहरीले सोधपुछ गर्दा राति मापसे गरेर चलाउँदा चेकिङमा पर्ने डरले दिउँसै मापसे गरेर सुमो चलाएको थापाले बयान दिएका छन् ।
चालक थापालाई मेडीकल रिपोर्ट सहित आवश्यक कारवाहीका लागी महानगरीय प्रहरी परिसर सातदोबाटोमा बुझाईएको ट्राफिक इन्सपेक्टर हाछेथुले जानकारी दिए ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने