काठमाडौं, जेठ ९ : सीमा सुरक्षाका लागि दार्चुलाको छाङरुमा व्यक्तिको घर भाडामा लिएर राखिएको सशस्त्र प्रहरी पोस्टका लागि सरकारले आफ्नै व्यवस्थित भवन बनाउन प्रक्रिया अघि बढाएको छ।
त्यसका लागि ११ करोड बजेट विनियोजन गरिसकेको सरकारले भवन निर्माण थाल्न बोलपत्र आह्वान गरेको हो।
छाङरुस्थित सशस्त्र प्रहरीको बोर्डर आउट पोस्ट (बीओपी) मा १ सय ६० सशस्त्र प्रहरी रहने गरी भवन निर्माण गर्न लागिएको गृह मन्त्रालयले जनाएको छ।
मन्त्रालयका अनुसार यसअन्तर्गत दुईवटा सीमा सुरक्षा पोस्ट रहनेछन्। एउटा कालापानीनजिकै कौवामा र अर्काे चीनसँगको सीमाना तिङ्करमा बीओपी राख्ने तयारी छ। यसका लागि पनि जग्गा लिने प्रक्रिया अगाडि बढाइएको मन्त्रालयले जनाएको छ।
भारतले नेपालको जमिन मिचेर सडक बनाएपछि दार्चुलाको छाङरुमा सशस्त्र प्रहरीको बोर्डर आउट पोस्ट स्थापना गरिएको हो। त्यहाँ वैशाख २१ गतेदेखि व्यक्तिको घर भाडामा लिएर सशस्त्र प्रहरी बस्न थालेको हो।
छाङरुको बीओपीमा सशस्त्र प्रहरी निरीक्षक मिलिबहादुर चन्दको नेतृत्वमा २५ जनाको टोली बसेको हाे। यो पोस्ट भारतले सडक निर्माण गरेभन्दा १३ किलो मिटर तल पर्छ।
सोही क्षेत्रमा नेपाल प्रहरीको पनि २१ जनाको टोली बसेकाे छ।
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी