२६ भदौ, काठमाडौं । कमल थापा नेतृत्वको राप्रपाबाट अलग भएर नयाँ पार्टीका रुपमा अगाडि आएको राप्रपा प्रजातान्त्रिकभित्र मन्त्री पदको विषयलाई लिएर विवाद सुरु भएको छ ।
तीनजना मन्त्रीले सोमबार शीतल निवासमा सपथ खाइरहेका बेला मन्त्री बन्न नपाउने केही सांसदले चाहिँ राजीनामाको चेतावनी पार्टी नेतृत्वलाई दिएका छन् ।
सरकारमा सहभागी भएसँगै राप्रपा प्रजातान्त्रिकमा असन्तुष्टि चुलिएको हो । रामकुमार सुब्बा, विराट विष्ट, वविता मोक्तान लावती लगायतका सांसदहरुले मन्त्रिपरिषद विस्तार समावेशी नभएको भएको भन्दै असन्तुष्टि जनाएका हुन् ।
राप्रपा प्रजातान्त्रिकबाट दीपक बोहोरा, विक्रम पाण्डे र सुनिल थापा मन्त्री भएका छन् भने रेशम लामा राज्यमन्त्री भएका छन् । उनीहरुले सोमबार सपथ लिएका छन् ।
तर, मन्त्री र राज्यमन्त्रीले सपथ लिन लाग्दा सोही पार्टीका अन्य सांसदहरुले पार्टीको निर्णय समावेशी नभएको र महिला नपरेको भन्दै विरोध गरे ।
‘भन्ने बेलामा राप्रपालाई समावेशी बनाउने भन्ने तर, बहुमत सांसद महिला हुँदा पनि एकजना पनि पारिएन’ सांसद वविता मोक्तान लावलीले अनलाइनखबरसँग भनिन्, यसमा हाम्रो असन्तुष्टि छ ।’
सांसद लावतीका अनुसार पार्टी नेतृत्वले अहिले छुटेकाहरुलाई अर्को सरकारमा समावेश गर्ने बचन दिएको छ । तर, असन्तुष्ट महिला सांसदहरुले चित्त बुझाएका छैनन् । उनीहरुले आवश्यक परे सांसद पदबाटै राजीनामा दिने चेतावनी दिएको एक सांसदले बताए ।
मन्त्री छनोटको विषयलाई लिएर पार्टीभित्र असन्तुष्टि देखिएको अर्का नेता रामकुमार सुब्बाले पनि स्वीकार गरे । सुब्बाले अनलाइनखबरसँग भने- ‘समावेशी निर्णय हुन सकेन, त्यसैले असन्तुष्टि देखिनु स्वाभाविकै हो ।’
अब कार्यसम्पादन समितिले ठण्डा दिमागले सोचेर समस्या समाधान गर्नुपर्ने सुब्बाले बताए ।
मन्त्री छनोटको विषयलाई लिएर असन्तुष्ट रहेका सांसदहरुले राजीनामा दिने बताएकोतर्फ जिज्ञासा राख्दा राप्रपा प्रजातान्त्रिकका नेता सुब्बाले अनलाइनखबरसँग भने- ‘राजीनामा किन दिने ? मैले उहाँहरुलाई राजीनामा नदिनोस् भनेको छु ।’
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख ७, काठमाडौँ । निर्वाचन आयोगले उपनिर्वाचन हुने दिन निर्वाचन क्षेत्रभित्रको यातायात व्यवस्थालाई नियमित र
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
काठमाडौं, चैत ३० गते । राष्ट्रपति रामचन्द्र पौडेलले सम्पत्ति शुद्धीकरण सम्बन्धी ऐनलाई संशोधन गर्न बनेको विधेयक
चैत २८, काठमाडौँ । अख्तियार दुरुपयोग अनुसन्धान आयोगले सर्लाही, बागमती नगरपालिकाका प्रमुख भरतकुमार थापाविरुद्ध विशेष अदालतमा
