भारतीय रक्षामन्त्री एवं भारतीय जनता पार्टीका पूर्वअध्यक्ष राजनाथ सिंहले दुनियाँको कुनै पनि शक्तिले नेपाल–भारत सम्बन्ध बिगार्न नसक्ने बताएका छन् ।
दुई देशबीच रोटीबेटीको सम्बन्ध रहेको चर्चा गर्दै सिंहले धार्चुलादेखि लिपुलेकसम्म भारतले बनाएको सडकबारे नेपाल असन्तुष्ट भए संवादमार्फत समाधान गर्ने पनि उनको विश्वास छ । उनले नेपाल र भारतको सम्बन्ध सामान्य नरहेको बरु अत्यन्त गहिरो र घनिष्ठ रहेकोसमेत बताएका छन् ।
रक्षामन्त्री सिंहले २६ वैशाखमा नेपाली भूमि भएर चीनको तिब्बत जोड्ने ८० किलोमिटर कैलाश मानसरोवर रुट सडक उद्घाटन गरेपछि नेपालले विरोध गरेको थियो ।
प्रतिनिधिसभाले लिम्पियाधुराबाट बग्ने काली नदीलाई पश्चिम सिमाना मानेर नयाँ नक्सा पारित गरिसकेको छ भने नयाँ नक्सा कार्यान्वयनमा आइसकेको छ ।
रक्षामन्त्री सिंहले नेपाली भूमि अतिक्रमित भएको भारतीय राज्य उत्तराखण्डका कार्यकर्तालाई सम्बोधन गर्ने क्रममा यो विषयलाई वार्ताबाट समाधान गर्ने बताएका छन् ।
‘उत्तराखण्ड जनसंवाद’ नाम दिइएको कार्यक्रममा सोमबार दिल्लीबाट उत्तराखण्डका भाजपा कार्यकर्तालाई सम्बोधन गर्दै रक्षामन्त्री सिंहले नेपाली जनतामा गलत बुझाइ उत्पन्न भएको भए वार्ता र संवादमार्फत समाधान निकाल्ने आश्वासन दिएका छन् ।
उनले भने, ‘हामी बातचितका माध्यमबाट यो मामिलाको समाधान गर्नेछौँ । म यति भन्छु कि भारतमा रहने हामी कोही–कसैमा पनि नेपालका जनताप्रति कुनै पनि प्रकारको कटुता हुन सक्दैन । नेपालसँग हाम्रो अत्यन्तै गहिरो सम्बन्ध छ । हामी आपसमा मिलेर यी सबै समस्याको समाधान गर्नेछौँ ।’
रक्षामन्त्री सिंहले नेपाल भारत सीमाबारे भ्रम सिर्जना भएको पनि टिप्पणी गरेका छन् । उनले ऐतिहासिक,
सांस्कृतिक, भौगोलिक र सामाजिक सम्बन्धलाई ध्यानमा राख्दै संवादमार्फत समाधान गर्ने बताए ।
नेपाली नागरिकसमेत कार्यरत रहेका गोर्खा रेजिमेन्टको चर्चा गर्दै गोर्खालीहरूको उच्च सम्मान गरेका छन् ।
उनले भने, ‘हामीकहाँ यहाँ गोर्खा रेजिमेन्ट छ । उसले समय समयमा सौर्य र पराक्रमको परिचय दिँदै आएको छ ।’
गोर्खा रेजिमेन्टको नारा जय महाकाली आयो गोर्खालीको व्याख्या गर्दै सिंहले महाकालीका भक्त कोलकाताको कामाख्यादेखि विन्ध्याचल पर्वत हुँदै उत्तराखण्डका गाउँ गाउँमा रहेको बताए ।
उनले भने, ‘अनि कसरी नेपाल र भारतको सम्बन्ध टुट्न सक्छ ? धार्चुलामा जतिसुकै काँडेतार लगाउनुस्, हाम्रा जनताको सम्बन्ध टुट्न सक्दैन ।’
रक्षामन्त्री सिंहकाे भगवान् पशुपतिनाथसित भारतमा रहेका काशी, विश्वनाथ, सोमनाथ तथा अमरनाथको सम्बन्ध अलग्गै हुन नसक्ने भनाइ थियो ।
उनले भने, ‘यो लोक मात्र नभएर अर्को लोकको कसैले पनि चाहेर नेपाल र भारतको सम्बन्ध बदल्न सक्दैन । यो मेरो पूरा विश्वास हो ।’
सिंहले आफूले उद्घाटन गरेको सडकको औचित्यको पनि व्याख्या गरेका छन् ।
उनले विगतमा सिक्किम हुँदै कैलाश मानसरोवर जानुपर्ने अवस्था रहेको, तर अब लिपुलेकसम्म बनेको सडकबाट सहज भएको पनि उल्लेख गरे ।
सिंहले भने, ‘पहिला सिक्किमबाट कैलाश मानसरोवर पुग्न लामो समय लाग्थ्यो, अब धार्चुला–लिपुलेक रोड बनेपछि मानसरोवर यात्रा पहिलेको भन्दा ६ दिनभन्दा कम समय लाग्नेछ । अब मानसरोवर जाने तीर्थयात्रीहरूका लागि ठूलो सुविधा भएको छ ।’
तर, यो सडकबारे छिमेकी नेपालमा भ्रम पैदा भएको भन्दै संवादबाट समाधान निकाल्ने आश्वासन उनले दिएका छन् ।
भदौ १४, काठमाडौं । इन्जिनियरिङ अध्ययन संस्थान (आईओई)ले स्नातक तहमा वृद्धि गरेको शुल्क तत्काल कार्यान्वयन नगर्ने
२०८० जेठ २४, काठमाडौं । नेकपा एमालेको सचिवालय बैठकले केन्द्रीय सदस्यसम्मको कार्यविभाजन गरेर अन्तर पार्टी
जेठ १४, काठमाडौं । भारत भ्रमणमा जान लागेका प्रधानमन्त्री प्रचण्डले सुझावका लागि भनेर डाकेकाे वैठकमा
पछिल्ला समय नेपालीहरुमा विदेशी मोह लागेको छ । पैसा हुने नै होस् या नहुने सबै
२६ कार्तिक,भक्तपुर । लौरो अभियान्ता एवं लौरो चुनाव चिन्ह लिएर भक्तपुर २ प्रदेश (क) का
५ असोज,भक्तपुर । नेकपा एमाले सुर्यविनायक नगरकमिटी वडा नं ८ को आयोजनामा वडा स्तरीय बृहत