यदि दिनको शुरुवात हामीले अल्छी गरेर गर्यौँ भने त्यो दिन राम्रोसँग बित्दैन । शरीरमा फूर्ति हुँदैन र काममा पनि फोकस गर्न सकिँदैन । यदि हामीले बिहान १० बजेभन्दा पहिले १० कुरामा ध्यान दियौँ भने हाम्रो दिन निकै रमाईलो र फूर्तिलो पारामा बित्छ । जसका लागि हामीले शेड्युल फलो गर्नु आवश्यक छ । तर सबैको लागि एउटै रुटिङ सहज नहुन पनि सक्छ । त्यसकारण हामीले मिलाएर यी कामहरु गर्न सक्छौँ ।
आज हामी १० यस्ता कुराहरुको बारेमा जानकारी दिँदैछौँ जसलाई दिनहुँ गर्नाले हामी सधै स्वस्थ र फूर्तिलो रहन्छौँ । छिटो उठ्नु दिनको शुरुवात छिटो भयो भने कामहरु पनि छिटो हुन्छन् । त्यस कारण बिहान छिटो उठ्नुहोस् । छिटो उठ्नाले स्ट्रेश कम हुन्छ र पूरै दिन रमाईलो तरिकाले बित्छ ।
शारीरिक व्यायाम शारीरिक व्यायामले रगतको बहावमा वृद्धि हुन्छ । यसले शरीर र दिमागको कार्यहरु सहज राख्न मद्दत मिल्छ । शारीरिक व्यायामको क्रममा शरीरमा एंडोर्फिन हार्मोनको स्तर बढ्छ, जसले तपाईँको मुड राम्रो रहन्छ र दिनभर फूर्तिलो राख्छ ।
योगा दिनहुँ योगा गर्नाले दिमाग स्वस्थ रहन्छ । योगाले स्मरण शक्ति वृद्धि गर्न र स्ट्रेश कम गर्न सहयोग गर्छ । यसले दिनभर दिमागलाई पनि शान्त राख्छ ।
घाम ताप्नु बिहान केही समय घाम ताप्नु स्वास्थ्यको लागि फाईदाजनक हुन्छ । यसबाट शरीरलाई पर्याप्त भिटामीन डी मिल्छ । बिहानको घामले शरीरमा सेरोटोनिन बनाउँछ जसले तपाईँको मुड पनि राम्रो रहन्छ ।
कागती पानी कागती पानीले शरीरमा भएको टक्सिन्स बाहिर निकाल्छ र दिनभर फूर्तिलो रहन मद्दत गर्छ । त्यस्तै कागतीमा भएको एन्टिअक्सीडेन्ट्सले क्यान्सर, डायबिटिज जस्ता रोगहरुबाट पनि टाढा राख्छ ।
नुहाउनु बिहान नुहाउनाले रक्त सञ्चार राम्रो हुन्छ । जसले तपाईँलाई दिनभर ईनर्जेटिक बनाईराख्छ । तर हामीले धेरै समय लगाएर नुहाउनु भने राम्रो हुँदैन ।
पढ्नु बिहान केही प्रेरणा प्राप्त हुने किताबहरु पढ्नु पनि तपाईँको लागि फाईदा जनक रहनेछ । बिहान बिहान पढ्नाले स्ट्रेस कम हुन्छ भने कन्फिडेन्ट्स लेवल पनि बढ्छ । जसका कारण तपाईँ दिनभर प्रोडक्टिभ रहनुहुनेछ ।
मोबाईल प्रयोग नगर्ने बिहान सकेसम्म मोबाईल प्रयोग नगर्नुहोस् । मोबाईल प्रयोग नगर्नाले स्ट्रेस कम हुन्छ र काममा ध्यान जान्छ । त्यस्तै मोबाईलको प्रयोग नगर्नाले काम राम्रोसँग पूरा हुन्छ र दिमाग पनि शान्त रहन्छ ।
ब्रेकफास्ट धेरै तेल र नुन भएको ब्रेकफास्टले कमजोर बनाउने भएका कारण ब्रेकफास्टमा फलफूल र प्रोटीनयुक्त खानेकुराहरु खाने गर्नुपर्छ ।
पुदिनाको प्रयोग पुदिनाले श्वासलाई ताजा राख्न मद्दत गर्छ । त्यस कारण पुदिना फ्लेभरको टुथपेस्ट प्रयोग गर्ने गर्नुहोस् । त्यस्तै यहि फ्लेभरको चक्लेट पनि प्रयोग गर्नु राम्रो हुन्छ ।
गलकोट (बागलुङ), माघ २ गते । बागुलुङमा वि.सं.२०७३ असारमा स्वास्थ्य बीमा सुरु हुँदा नागरिक अलमलमा थिए
पोखरा, मङ्सिर ४ गते । गण्डकी प्रदेश सरकारका मुख्यमन्त्री सुरेन्द्रराज पाण्डेले अन्तिम सत्य नै शान्ति भएको
कात्तिक २६,जाजरकोट । रुकुमपश्चिम छेपारे गाउँकी लक्ष्मी विकको सानो बच्चासहित छ जनाको परिवार त्रिपालभित्र अटेसमटेस गरी
कात्तिक १०,भक्तपुर । पहिले पहिले रगत नपाए भक्तपुर जानु भन्ने भनाइ भए पनि अहिले भक्तपुरमै
काठमाडौं, कात्तिक ९ गते । विश्वमा अचेल सबै उमेर समूहमा टाटु लोकप्रिय भएको छ । विकसित
दीपकराज जोशी विपश्यना गर्ने बानी भयो र ध्यानमा आफूलाई विकास गर्न सकियो भने कसैले पनि
