मंसिर ३०, काठमाडौं । धनुषामा भएको बम विस्फोटको अनुसन्धान गर्न डीएसपी नेतृत्वमा छानविन समिति गठन गरिएको छ । प्रदेश नम्बर–२ प्रहरी कार्यालयले घटनाको छानविन गर्न जिल्ला प्रहरी कार्यालय धनुषाका डीएसपी रामेश्वर कार्कीको नेतृत्वमा समिति गठन गरिएको हो ।
प्रहरी प्रवक्ता डीआईजी विश्वराज पोखरेलका अनुसार छानविन समितिमा प्रदेश २ को विशेष ब्युरो, बम बिस्फोट विज्ञलगायत अनुसन्धान विज्ञ पनि छन् । टोलीले घटनाको छानविन र अनुसन्धान सुरु गरिसकेको छ ।
शुक्रबार थिरेश्वरनाथ नगरपालिका–५ स्थित औषधि व्यावसायी राजेश साहको घरमा राखेको बम विस्फोट हुँदा प्रहरी निरीक्षक अमिर दाहाल, औषधि व्यावसायी राजेश साह र उनका छोराले ज्यान गएको थियो । तीनजनाको ज्यान गएपछि स्थानीयमा त्रास उत्पन्न भएको छ । प्रहरीले राजेश साहको घरमा टाइम बम राखिएको हुनसक्ने अनुमान गर्दै आएको छ ।
प्रहरी अधिकारीले आर्थिक लेनदेन र व्यक्तिगत ‘दुश्मनी’कै कारण वम राखेको हुनसक्ने दाबी गर्दै आएका छन् । एक प्रहरी अधिकारीले भने “मृतक राजेश शाहले एकजनालाई रकम दिनुपर्ने थियो । उनी विप्लव समूहमा आवद्ध नेताका आफन्त हुन भन्ने कुरा आएको छ । यो आर्थीक अपराधको धटना हो ।’’ उनले मिटर ब्याजमा समेत पैसा लगाउने गरेको पाइएको छ ।
घटनामा विप्लव समूहको केही सदस्य वा तराईमा अपराधिक गतिविधि सञ्चालन गर्दै आएको समूहको संलग्नता हुनसक्ने प्रहरी दाबी छ । प्रहरीले विस्फोटपछि नेत्रविक्रम चन्द ‘विप्लव’ समूहका धनुषा इन्चार्ज ललिता महरासहित पाँचजनालाई पक्राउ गरेको छ । विस्फोटको आशंकामा उनीहरुलाई पक्राउ गरिएपछि देशभरी प्रहरीले विप्लव समूहको नेता–कार्यकर्तालाई पक्राउ गर्दै आएको छ ।
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने