फ्रान्सको क्लब लियोन र जर्मनीको इन्ट्राक्ट फ्रांकफर्ट यूईएफए युरोपा लिगको नकआउट चरणमा स्थान पक्का गर्ने पहिलो टोली बनेका छन् ।
दोस्रो हाफमा गरेको तीन गोल मद्दतमा लियोनले गएराति चेक गणतन्त्रको क्लब स्पार्टा प्रागुएलाई ३–० ले हरायो । लियोनको जितमा इस्लाम स्लिमानीले दुई गोल गरे भने कार्ल टोको इकाम्बीले एक गोल गरे । जितपछि समूह ‘ए’ मा १२ अंक जोडेको लियोनले युरोपा लिगको नकआउट चरणमा स्थान बनाएको हो ।
जर्मनीको फ्रांकफर्टले ग्रीसको आलम्पिकोसलाई २–१ हराएको हो । घरेलु टोली ओलम्पिकोसले १२औं मिनेटमा अग्रता लिए पनि त्यसलाई जोगाउन नसक्दा २–१ को नतिजा सुम्पिनु परेको थियो । फ्रांकफर्टका दाइची कामादाले १७औं मिनेटमा बराबरी गोल फर्काएका थिए । इन्जुरी समयमा जेन्स पिटर ह्युजले गरेको गोल फ्रांकफर्टको जितमा निर्णायक बन्यो ।
जितसँगै चार खेलबाट १० अंक जोडेको फ्रांकफर्टले समूह ‘डी’बाट नकआउट चरणमा स्थान बनाएको हो । पराजित ओलम्पिकोस ६ अंकका साथ दोस्रो स्थानमा छ । सो समूहमा टर्कीको फेनरबाच पाँच अंकका साथ तेस्रो स्थानमा छ भने रोयल एन्टवार्प एक अंकका साथ चौथो स्थानमा छ ।
समूह ‘बी’ मा स्पेनको रियाल सोसिडाडले अष्ट्रियाको स्टर्म ग्राजसँग १–१ को बराबरी खेल्यो । बराबरीपछि रियाल सोसिडाडले शीर्ष स्थानमा उक्लने मौका गुमायो । सोसिडाड ६ अंकका साथ दोस्रो स्थानमा छ । समूह ‘बी’ मा फ्रान्सको मोनाको ८ अंकका साथ शीर्ष स्थानमा छ । मोनाकोले गएराति नेदरल्यान्ड्सको पीएसभी आइन्डहोभेनसँग गोलरहित बराबरी खेलेको थियो । आइन्डहोभेन ५ अंकका साथ तेस्रो स्थानमा छ । स्टर्म ग्राज एक अंकका साथ पुछारमा छ ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने