असार २७, काठमाडौं– नेकपा एमालेका अध्यक्ष केपी शर्मा ओलीले राष्ट्रपतिले गाडी खरिद गर्न १६ करोड माग गरेको भनेर स्याल हुँइया मच्याइएको आरोप लगाएका छन् ।
एमाले अध्यक्ष ओलीले गाडी खरिद गर्ने कुरा राष्ट्रपतिलाई मतलव नै नभएको विषय भएको पनि स्पष्ट पारे । उनले राष्ट्रपतिलाई गाडी उपलब्ध गराउने काम सरकारको भएको स्पष्ट पार्दै सरोकारनै नभएको विषयमा राष्ट्रपतिलाई विवादमा ल्याउने काम नगर्न पनि चेतावनी दिए ।
ओलीले सत्य, निष्ठासँग कुनै सरोकार नभएका गैरजिम्मेवारी तत्वहरुले राष्ट्रपतिले गाडी खरिद गर्न १६ करोड मागेको हावादारी समाचार सम्प्रेषण गरेको दावी समेत गरे । उनले महिला राष्ट्रपति बनाएर देखाउन अन्य राजनीतिक दलहरुलाई चुनौति पनि दिए ।
मंगलबार काठमाडौंमा आयोजित ‘नेपालको महिला आन्दोलनको उपलब्धि र साहना प्रधान’ विषयक विचार गोष्ठीमा बोल्दै अध्यक्ष ओलीले एमालेले मात्रै महिला नेतृत्व स्थापित गराउन विशेष नीति लिएर अघि बढेको दावी पनि गरे ।
अध्यक्ष ओलीले महिला नेतृत्वको विकासमा नेपालले विश्वमै गर्व गर्न लायक उपलब्धि हासिक गरेको दावी पनि गरे । उनले राष्ट्रपति, प्रधानन्यायाधिश र सभामुख जस्तो नीति निर्माणको तहमा महिलालाई नेतृत्वमा पु¥याउने काम नेपालले मात्रै गरेको पनि स्मरण गराए ।
अध्यक्ष ओलीले महिला नेतृत्वमाथि जनताले विश्वास गरेको पनि स्पष्ट पारे । उनले स्थानीय तहको निर्वाचनमा पुरुषले भन्दा महिलाहरुले बढि मत ल्याउनु महिला नेतृत्वलाई जनताले विश्वास गर्नुको परिणाम भएको पनि स्मरण गराए । अध्यक्ष ओलीले महिला सशक्तिकरणको क्षेत्रमा नेपालले उल्लेख्य प्रगति गरेको उल्लेख गर्दै त्यसलाई कायम राख्न र अघि बढाएर लिएर लैजान भने महिला नेतृहरुले विशेष चनाखो हुनुपर्ने खाँचो पनि औल्याए ।
अध्यक्ष ओलीले सबैको एकतावद्ध प्रयासबाट मात्रै सुःखी नेपाली र समृद्ध नेपाल बनाउने परिकल्पना साकार पार्न सकिने पनि स्पष्ट पारे । कार्यक्रममा स्वर्गीय साहना प्रधानले नेपालको राजनीतिक आन्दोलन र महिला सशक्तिकरणको क्षेत्रमा पु¥याउनु भएको योगदानको चर्चा गरिएको थियो ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
