वीरगंज– बन्दको अवज्ञा गरेको भन्दै बन्दकर्ता राजपाका कार्यकर्ताले वीरगञ्जमा निर्वाचन आयोगका कर्मचारीमाथि कुटपिट गरेका छन् ।
जिल्ला निर्वाचन कार्यालय पर्साले वीरगंजको श्रीपुरस्थित नेपाल राष्ट्रिय माविमा सञ्चालन गरेको दुई दिने मतदान अधिकृतको तालिम सकेर बाहिर निस्किदै गरेका कर्मचारीलाई कुटपिट गर्नुका साथै मोटरसाईकल तोडफोड गरेका हुन् । कुटपिटबाट एकजना अधिकृतको टाउँको फुटेको छ । उनको वीरगंजस्थित नारायणी उपक्षेत्रीय अस्पताल वीरगंजमा उपचार भईरहेको जिल्ला निर्वाचन अधिकृत हुमनाथ पराजुलीले जानकारी दिएका छन् ।
बन्दकर्ताले मतदान अधिकृतलाई उपलब्ध गराईएको हातेपुस्तिका तथा अन्य सामाग्रिहरु समेत खोसेर घण्टाघरमा जलाएका छन् । त्यस्तै राजपाको एक समुहले संघीय समाजवादी फोरम नेपाल पर्साको वीरगंजस्थित आदर्शनगरमा रहेको नगर कार्यसमितिको कार्यालयमा तोडफोड गरेको छ ।
१५/२० जनाको संख्यामा रहेका बन्दकर्ताको समुहले कार्यालयको होडिङ्ग बोर्ड च्यात्नुका साथै सिसा फुटाएका छन् । त्यस्तै मकालु होटल चोकमा रहेको नेवा फोटोकपि पसलको सिसा फुटाएका छन् । उनीहरुले नगरमा फोहर उठाउन हिडेको जेसीबी, ट्याक्टरलाई समेत बन्दको अवज्ञा गरेको भन्दै घण्टाघरमा पेट्रोल छर्केर आगजनी गरेकोमा प्रहरी तत्काल नियन्त्रणमा लिएको थियो । तत्काल पुगेकोले ट्याक्टरमा धेरै क्षति हुन नपाएको प्रहरीले जनाएको छ । बन्दकर्ताले बा ७ च ९११४ नम्बरको पिक अप भ्यानको घण्टाघरमै शिशा फुटाएका छन् भने वीरगंजका विभिन्न चोकहरुमा विहानैदेखी टायर बालेर सडक अवरुद्ध गर्ने र नाराबाजिका कार्यक्रमहरु गरिरहेका छन् ।
वीरगंजको मालपोत कार्यालयमा तालाबन्दी गर्न पुगेका बन्दकर्तालाई वडा प्रहरी कार्यालय विर्ताको प्रहरी निरीक्षक अनिश कर्ण नेतृत्वको प्रहरी टोलिले लेखेटेको थियो । त्यस्तै बन्दकर्ताको कार्यक्रमलाई लक्षित गरेर नगरमा बाक्लो संख्यामा नेपाल प्रहरी शसस्त्र प्रहरी र म्यादी प्रहरी परिचालन गरीएको छ । बन्दका कारण वीरगंज भन्सारको आयात निर्यातको सम्पुर्ण काम ठप्प भएको भन्सार प्रमुख सेवन्तक पोखरेलले जानकारी दिए । भारतबाट पेट्रोलियम पदार्थ भरेर आएका तेलका ट्यांकर र अन्य मालबाहक सवारी साधन पनि वीरगंज भन्सारमा अलपत्र परेका छन् ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
