काठमाडौं, १२ साउन । रमेश सिलवाल राष्ट्रिय खेलकुद परिषद् (राखेप) को सदस्य सचिवमा पुनः नियुक्त भएका छन् । सोमबार साँझ बसेको मन्त्रीपरिषद् बैठकले सिलवाललाई चार वर्षका लागि राखेपको सदस्य सचिवमा नियुक्त गर्ने निर्णय गरेको हो ।
पदमुक्त भएको करिब तीन सातापछि पुनः नियुक्त भएका सिलवाल यसपटक नयाँ खेलकुद विकास ऐन २०७७ का आधारमा छनोट भएका हुन् । नयाँ ऐन अनुसार उपाध्यक्ष र सदस्य सचिवको नियुक्ति मन्त्रीपरिषद्ले नियुक्त गर्ने व्यवस्था छ । सिलवाल यसअघि नेपाल भलिबल संघको सिफारिसमा युवा तथा खेलकुद मन्त्री जगतबहादुर विश्वकर्माबाट सदस्य सचिवमा नियुक्त भएका थिए ।
नयाँ ऐन अनुसार युवा तथा खेलकुद मन्त्रालयका सचिवको संयोजकत्वमा रहेको सिफारिस समितिले पठाएको तीनजना मध्येबाट सिलवाल सदस्य सचिव नियुक्त भएका हुन् । समितिले सिलवालसहित राष्ट्रिय महिला भलिबल टोलीकी पूर्व कप्तान अन्जु श्रेष्ठ र नेपाल भलिबल संघका पूर्व उपाध्यक्ष नेकपाका नेता लिलाबहादुर थापाको नाम सिफारिस गरेको थियो ।
करिब ६ दशकअघि स्थापना भएको राखेपमा पहिलो पटक खुला आह्वानद्वारा सदस्य सचिवको नियुक्ति भएको हो । यसअघि राखेप सदस्य सचिवको नियुक्ति राजनीतिक आधारमा हुने गर्थ्यो ।
यसैबीच राखेपको उपाध्यक्षमा शिव कोइराला नियुक्त भएका छन् । १३औं दक्षिण एसियाली खेलकुदको प्रचार विभाग संयोजकको जिम्मेवारी निर्वाह गरेका कोइराला तेक्वान्दो युनियनका अध्यक्षका रुपमा क्रियाशिल रहेका छन् ।
सिलवाल र कोइराला दुवैको पदावधि ४ वर्षको रहनेछ ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख ७, काठमाडौँ । निर्वाचन आयोगले उपनिर्वाचन हुने दिन निर्वाचन क्षेत्रभित्रको यातायात व्यवस्थालाई नियमित र
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
काठमाडौं, चैत ३० गते । राष्ट्रपति रामचन्द्र पौडेलले सम्पत्ति शुद्धीकरण सम्बन्धी ऐनलाई संशोधन गर्न बनेको विधेयक
चैत २८, काठमाडौँ । अख्तियार दुरुपयोग अनुसन्धान आयोगले सर्लाही, बागमती नगरपालिकाका प्रमुख भरतकुमार थापाविरुद्ध विशेष अदालतमा