बलिउड अभिनेत्री श्रुतिले भनिन्– विहे नगरी बच्चा जन्माउँछु

मुम्बई, १३ जेठ । बलिउड नायिका श्रुति हसनको बोल्ड चाहना बाहिर आएको छ । दक्षिण भारतका चर्चित अभिनेता कमल हसनपुत्री श्रुतीले विहे नगरी बच्चा जन्माउने बताएकी छिन् । तर, त्यसका लागि मन मिल्ने मान्छे भेटिनुपर्ने उनको सर्त छ ।
हालै मिडियमा प्रेम र जीवनका बारेमा खुलेर बोलेकी हसनले आमा बन्नका लागि विहे नै जरुरी नभएको बताएकी हुन् । यौनको बारेमा सोधिएको प्रश्नमा उनले पत्रकारलाइ उल्टै प्रतिप्रश्न गर्दै भनेकी छन्, ‘जो विहे नगरी बच्चा जन्माउन सक्ने चाहना राख्छे भने उसलाई यौनका लागि विहे जरुरी हुन्छ र ?’ उनले यसो भनिरहँदा उनका शुभचिन्तकले श्रुतिका विषयमा यतिबेला अनेक अड्कलबाजी गर्न थालेका छन् । कतिपयले उनलाई रिलेशनसिपमा रहेकी श्रुतीले कुनै पनि बेला बच्चा जन्माइन भने आश्चर्य नमान्दा हुन्छ भन्नेसम्मका टिप्पणी गरेका छन् ।
तर श्रुतीले आफ्ना शुभचिन्तकलाई त्यस्तो ढुक्क नहुन समेत आग्रह गरेकी छन् । उनले आफु अहिले कुनै रिलेसनसिप र प्रेमको चक्करमा नपरेको र अझै दर्शकलाई नया नया चलचित्र दिने बाचा समेत गरेकी छन् ।
३१ वर्षिया यि सुन्दरी कुनै बेला एक म्यूजिक निर्देशकको प्रेममा डुबेकी थिइन् । तर अहिले त्यो प्रेम नभएर आकर्षण मात्रै भएको उनको अनुभव छ । त्यसैलाई उनले पुष्टि गर्दैै आकर्षणमा गरिने यौनको अर्थ नहुने भएकाले प्रेममा मात्रै विहे नगरी पनि यौन सम्पर्क गर्न सकिने तर्क गरेकी हुन् । पूर्व प्रेमी रहेका म्यूजिक निर्देशकको नाम बताउन नचाहेकी श्रुतीले तत्काल आफुसग समय नरहेकाले प्रेमी नबनाएको भन्दै समय आउनासाथ विहे गर्ने समेत बताउन भ्याइन् । गायिका समेत रहेकी श्रुतिले भनिन्, ‘आफु मनको मर्जीमा चल्ने भएकाले आफुलाई लागेको कुरा भन्न कतै पनि अफ्ठ्यारो लाग्दैन ।’
तमिल, तेलगु र हिन्दी भाषाका सिनेमामा काम गरेकी श्रुतीका वेलकम ब्याक, तेभर, दिल तो बच्चा है जी, लक जस्ता फिल्म चर्चित मानिन्छन् ।
कमल हसन र सारिका सिंहको प्रेमको चिनोका रुपमा जन्मिएकी श्रुतीले पनि बाबुुआमाको जस्तै पदचाप पछ्याउने हुन् कि भन्ने धेरैको अड्कलबाजी छ । श्रुति जन्मिएको दुई वर्ष पछि मात्रै कमल हसन र सारिका सिंहले विहे गरेका थिए । बाबु आमाले नै विहे नगरी जन्माइएकी श्रुतिले यस्तो चाहना राख्नु उनकालागि स्वभाविक भएपनि मिडियाकालागि भने मसला बनेको छ ।