२९ जेठ, काठमाडौं । सबैभन्दा धेरै घुस खाने कर्मचारीहरु रहेको जिल्लाका रुपमा काठमाडौं पहिलो बनेको छ । बाँके जिल्ला दोस्रो स्थानमा परेको छ ।
सबैभन्दा धेरै कर्मचारीहरु काठमाडौं उपत्यकाबाट घुससहित रंगेहात पक्राउ परेको अख्तियार दुरुपयोग अनुसन्धान आयोगले जनाएको छ । काठमाडौंबाट १९, ललितपुरबाट ३ र भक्तपुरबाट २ जना गरी उपत्यकाबाट जम्मा २४ जनालाई पक्राउ रंगेहात गरेको अख्तियारले जनाएको छ । राजधानी काठमाडौंमा सबैभन्दा बढी घुस लेनदेन हुने गरेको पाइएको छ ।
धेरै कर्मचारी पक्राउ पर्ने जिल्लाको सूचीमा बाँके दोस्रो स्थानमा छ । बाँकेबाट पाँचजना कर्मचारी घुससहित रंगेहात पक्राउ परेका छन् । घुस लेनदेनको समस्या भने देशभरि नै रहेको अख्तियारले जनाएको छ ।
नापीमा बढ्ता घुसखोरी
अख्तियार दुरुपयोग अनुसन्धान आयोगले सबैभन्दा धेरै कर्मचारीहरुलाई नापी कार्यालयबाट घुससहित रंगेहात पक्राउ गरेको छ । चालु आर्थिक वर्षको जेठ २८ गतेसम्मको तथ्यांकअनुसार सबैभन्दा धेरै नायब सुब्बा तहका कर्मचारी पक्राउ परेका छन् ।
अख्तियारले सोमबार पत्रकार सम्मेलन गरी रंगेहात पक्राउ परेकाहरुको विवरण सार्बजनिक गरेको छ । उक्त विवरणअनुसार अख्तियारले नापी कार्यालयमा सबैभन्दा धेरै १४ जना कर्मचारीहरुलाई रंगेहात कारबाही गरेको छ ।
दोस्रोमा मालपोत कार्यालय छ, जहाँबाट ७ जना कारबाहीमा परेका छन् । यसैगरी स्थानीय तह र यातायात कार्यालयमा समान पाँच-पाँच जना कारबाहीमा परेको अख्तियारले जनाएको छ ।
सुख्बा २५ र उपसचिव ५ जना पक्राउ
अख्तियारले चालु आर्थिक वर्षको जेठ २८ गतेभित्र ७६ जनालाई रंगेहात घुससहित पक्राउ गरेको छ । घुस दिने र लिने दुबै दोषी हुने भए पनि घुस दिने व्यक्तिहरु पक्राउ परेको संख्या भने नगन्य छ ।
घुस दिने व्यक्ति २ जनामात्रै पक्राउ पर्दा सबैभन्दा धेरै ३४ जना नायब सुब्बालाई अख्तियारले पक्राउ गरेको छ ।
यसैगरी शाखा अधिकृत १५ जना, ओभरसियर र अमिन ९ जना, लेखापढी व्यवसायी ७ जना, कार्यालय सहयोगी २ जना र कुल्ली १ जना पक्राउ परेको अख्तियारको तथ्यांक छ । यसैगरी उपसचिव भने ५ जना पक्राउ परेका छन् ।
‘ठूला माछा’लाई उन्मुक्ति दिएर ‘साना माछा’लाई मात्र पक्राउ गरेको आरोप खेप्ने गरेको अख्तियारको विवरणमा सहसचिव र सचिव घुससहित रंगेहात पक्राउ परेको विवरण भने छैन ।
जेठ घुस लेनदेनको महिना !
अख्तियारले सबैभन्दा धेरै घुस्साहालाई जेठ महिनामा पक्राउ गरेको छ । यसबाट पुरानो आर्थिक वर्ष अन्त्य हुने र नयाँ आर्थिक वर्ष सुरु हुने बेला घुसको लेनदेन बढी हुने गरेको देखाएको छ ।
जेठ महिनामा १० जना, चैतमा ९ र बैशाखमा ५ जनालाई पक्राउ गरेको अख्तियारले जनाएको छ । साउनमा ७ जना पक्राउ गरको अख्तियारले, भदौ र पुसमा ३-३ जनालाई पक्राउ गरेको छ । यसैगरी असोज र फागुनमा ४-४ जना तथा मंसिर र माघमा ६-६ जना पक्राउ परेको अख्तियारको तथ्यांकमा उल्लेख छ ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
