२७ जेठ, काठमाडौं । नेपाली कांग्रेसका सभापति शेरबहादुर देउवा २०५२, २०५८ र २०६१ सालमा प्रधानमन्त्री बने । तर, संयोगले यी तीनवटै अवसर देउवाका लागि चाहेर पनि सौहार्द बन्नै सकेन ।
पहिलो कार्यक्रममा देउवाले माओवादीलाई युद्ध गर्न जानबाट रोक्न सकेनन् । प्रधानमन्त्री भएकै बेला उनले माओवादीको ४० बुँदे मागमा केही नसकेपछि त्यसैलाई निहुँ बनाउँदै माओवादी युद्धमा गयो । तर, देउवाको नराम्रो पाटो यत्तिमै सीमित भएन । संसद किनबेचको मात्रै होइन सांसदलाई पजेरो संस्कृति भित्र्याएको आरोप उनले खेप्नुनुपर्यो ।
५८ सालमा देउवा प्रधानमन्त्री हुन पुगे । तर, माओवादी युद्ध चरम उत्कर्षमा पुगेको थियो । देउवाले सेना लगाएरै माओवादीलाई तह लगाउने, टाउकोको मोल तोक्ने जस्ता काम गरे । संकटकाल लम्ब्याउने विषयमा निरन्तर अडान लिएपछि कांग्रेसले उनलाई साधारण सदस्यबाट समेत निकालिदियो । अलग कांग्रेस गठन गरे । तर, तत्कालीन राजाले अक्षमको आरोप लगाउँदै उनलाई हटाइदिए ।
२०६१ मा ज्ञानेन्द्रले उनलाई पुन: ल्याए । तर, ८ महिनापछि शासन आफ्नै हातमा लिएर ज्ञानेन्द्रले देउवालाई फेरि फाले ।
यो सब बितेको १२ वर्ष पुगेपछि देउवा २३ जेठमा पुनः चौथोपटक नेपालको प्रधानमन्त्री बनेका छन् । यस पनि पनि उनलाई सजिलो र सहज छैन । १४ असारमा दोस्रो चरणको निर्वाचन गर्नुपर्नेछ । प्रदेशको निर्वाचन र संसदको निर्वाचन ७ माघसम्म गरेर देउवाले आफूलाई विगतका कालो दिनलाई मेटाउने अवसर पनि उत्तिकै छ ।
तर, मधेसकेन्द्रित दलहरुले केही दिनदेखि दोस्रो चरणको निर्वाचनमा जानका लागि अनिच्छा देखाएपछि देउवाको फेरि पनि दुर्दिन सुरु हुने हुन् की भन्ने देखिएको छ । उनी आफैंले पनि शुक्रबार संसदमा बोल्दै दोस्रो चरणको निर्वाचन अघि संविधान संसोधन नहुने तर, निर्वाचनलगत्तै संसोधन गरिने भनेर भनिदिए ।
अब के राजपा निर्वाचनमा आउँला त ? प्रश्न गम्भीर बन्न पुगेको छ । पहिलो चरणको निर्वाचन माओवादी केन्द्रका नेता प्रचण्ड प्रधानमन्त्री हुँदा सौहार्दरुपमा हुन पुग्यो । पहिलो निर्वाचन गराएका प्रचण्डलाई देउवाले दोस्रो निर्वाचनसम्म पनि टिक्न दिएनन् । यस्तोमा उनीसामू जसरी पनि निर्वाचन गराउनुपर्ने बाध्यता देखिएको छ ।
विगतका गलत नजीरलाई मेट्न पनि निर्वाचन गराएर राम्रो सन्देश दिने अवसर देउवालाई भएकोले जसरी पनि निर्वाचन गराउनैपर्ने अवस्थामा उनी छन् । अहिले दोस्रो चररणको निर्वाचन गराउन नसक्ने हो भने उनी प्रधानमन्त्री केका लागि बनेका हुन् भन्नेमैं प्रश्नचिह्न उठ्ने छ। यस्तोमा देउवा प्रधानमन्त्री बने लगत्तै धरापमा देखिएका हुन् ।
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फागुन २६, काठमाडौं। सत्तारुढ प्रमुख घटक नेकपा (एमाले) का वरिष्ठ उपाध्यक्ष ईश्वर पोखरेलले नयाँ सत्ता
फागुन २३,काठमाडौं। मन्त्रिपरिषद् आज विस्तार हुनेभएको छ । प्रधानमन्त्री पुष्पकमल दाहाल ‘प्रचण्ड’ का प्रेस सल्लाहकार गोविन्द
फागुन २०, काठमाडौँ । सामाजिक सुरक्षामा बढ्दो वित्तीय दायित्व कम गर्न सरकारले नगदमा उपलब्ध गराइने