प्रधानमन्त्रीले गरे महाकाली पुलको शिल्यान्यास

१५ भदौ, कञ्चनपुर – कञ्चनपुर जिल्लाको भीमदत्त नगरपालिका १२ ओदाली स्थित महाकाली नदिमा ४ लेनको पक्की पुल बन्ने भएको छ । प्रधानमन्त्रि शेरबहादुर देउवाले आज एक समारोहका बिच उक्त पुलको सिलन्यास गरेका छन् ।

सिलन्यास कार्यक्रममा बोल्दै प्रधानमन्त्रि शेरबहादुर देउवाले महाकालीमा चार लेनको पुल निर्माण भएसंगै यहाँका जनातको आवागमन सहज हुने र ब्यापार व्यावसायमा समेत राम्रो बृद्धि हुने बताए ।

यो पुलको निर्माण भएसंगै भारतको राजधानी दिल्लीसंग सम्पर्क हुने र ठूला सवारी साधन चल्ने भएका कारण भारतसँग व्यापारमा बिस्तार हुने भन्दै यसले सुदुरपश्चिमको विकासको ढोका खोलेको बताए ।

पुल निर्माणको कार्य समयमै सम्पन्न गर्नेमा पनि प्रधानमन्त्रि देउवाले प्रतिबद्धता जनाएका छन् । बर्तमान राजनीतिक सन्दर्भमा बोल्दै प्रधानमन्त्रि देउवाले स्थानिय तहको निर्वाचन भैसकेको र २ नम्बर पैदेशमा पनि हुदै गरेको भन्दै बाकी प्रदेश र केन्द्रिय निर्वाचन पनि तोकिएकै समयमा सम्पन्न हुने बताए ।

महाकाली नदिमा निर्माण हुन लागेको चार लेनको पक्की पुलको लागत ३ अर्ब २७ करोड ९३ लाख रहेको छ भने ३ बर्षभित्र सम्पन्न गर्ने लक्ष लिइएको छ । हालसम्म पनि दोधारा चालनी जानका लागि भारतको बाटो जानुपर्ने बाध्यता रहेको छ भने एक मात्र झोलुंगे पुलमा पैदल यात्रा र मोटरसिाइक सम्म ओहोर दोहर गर्न सकिने अवस्था रहेको छ ।

प्रधानमन्त्रि देउवाका साथमा भौतिक योजना तथा निर्माण मन्त्रि बिर बहादुर बलायर राज्यमन्त्रिहरु पुर्ब मन्त्रि तथा अन्य नेतागणहरुको उपस्थिती रहेको थियो ।

कार्यक्रममा सुदुरपश्चिमी देउडा,छलिया, गौरा, रानाथारु .नाच लगायतका सुदुरपश्चिमेली सांस्कृतिक कार्यक्रमहरुको प्रस्तुती गरिएको थियो ।