८ असोज, बाँके ।
नेकपा माओवादी केन्द्रका अध्यक्ष पुष्पकमल दाहाल प्रचण्डले नेपालमा अब फेरी नयाँ क्रान्ति हुने बताएका छन् । उनले माओवादीको नेतृत्वमा नै नयाँ क्रान्ति हुने बताए । बाँकेको कोहलपुरमा आज धु्रवीकरण तथा पार्टी प्रवेश कार्यक्रमलाई सम्बोधन गर्दै अध्यक्ष प्रचण्डले नयाँ क्रान्तिका साथ अगाडि बढेमा ८/१० वर्षमा नेपालमा समाजवादी व्यवस्था कायम हुने दावी गरे ।
उनले हिजो माओवादी फुटेको पीडा आफुमा भएको उल्लेख गर्दै अब फेरी धु्रवीकरणको यात्रु शुरु भएकोले नयाँ क्रान्तिको दिशामा अगाडि बढेमा आसन्न प्रदेश र संघको निर्वाचनमा आफ्नो पार्टी पहिलो बन्ने दावी गरे । अध्यक्ष प्रचण्डले परिवर्तन र जनतालाई अधिकार दिलाउने नेतृत्व माओवादीले गरे पनि जनतालाई सही तरिकाले बुझाउन नसक्दा र पार्टीभित्रैका समस्याले माओवादी पछि परेको अनुभव सुनाए ।
अध्यक्ष प्रचण्डले क्रान्ति पछाडि फर्किन नसक्ने र विश्वमा भएका क्रान्तिहरु पनि फरकफरक भएकाले नेपालमा हुने क्रान्ति नेपाली पनको हुने उल्लेख गरे । उनले आफुले देखेको नयाँ क्रान्तिबाट सबै नेपाली जनता अधिकार पाएर नेपाल महान राष्ट्र बन्ने बताए । उनले नेपालमा कम्युनिष्टहरुबीच नै एकता आवश्यक रहेको औल्याउँदै त्यसको नेतृत्व पनि आफुले गरेर कम्युनिष्ट एकता गर्ने उद्घोष गरे ।
अध्यक्ष प्रचण्डले पार्टीभित्र बाबुराम, मोहन बैध र विप्लवलाई राख्न नसक्नु आफ्नो कमजोरी भएको उल्लेख गर्दै पार्टी फुट्नु नै शहिद र वेपत्ताको अपमान भएको धारणा राखे । उनले अब सबै कम्युनिष्टहरु एक हुने बेला बाबुराम, मोहन वैध र विप्लवहरु माओवादी केन्द्रमा सामेल नभई सुखै नहुने बताए ।
विप्लव समूहबाट अशोक रोकाय, नयाँ शक्तिबाट दुर्गा थारुलगायत विभिन्न पार्टी परित्याग गरी माओवादी केन्द्रमा प्रवेश गरेको उक्त कार्यक्रममा प्रदेश नं. ५ का माओवादी केन्द्रका इन्चार्ज वर्षमान पुनले जनताका वीचमा देखिने क्रान्ति पूरा नभएको धारणा राखे ।
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फागुन २६, काठमाडौं। सत्तारुढ प्रमुख घटक नेकपा (एमाले) का वरिष्ठ उपाध्यक्ष ईश्वर पोखरेलले नयाँ सत्ता
फागुन १८,काठमाडौं । नेकपा (एमाले) का अध्यक्ष एवं पूर्व प्रधानमन्त्री केपी शर्मा ओलीले नेपालमा अहिलेको राजनीतिक
फागुन ८, काठमाडौँ । समसामयिक राजनीतिक परिस्थितिबारे छलफल गर्न नेकपा (एमाले)को केन्द्रीय कमिटीको सातौँ पूर्ण बैठक