नेकपा स्थायी समिति बैठकः ७ एजेन्डा तय, अध्यक्षद्वयले धारणा राखे

सत्तारूढ नेपाल कम्युनिष्ट पार्टी (नेकपा)को स्थायी समिति बैठक सम्पन्न भएको छ । प्रधानमन्त्रीको सरकारी निवास बालुवाटारमा ६ महिला पछि बसेको स्थायी समितिको बैठकमा ७ एजेन्डाहरुमाथि छलफल भइरहेको पार्टी प्रवक्ता नारायणकाजी श्रेष्ठले जानकारी दिए ।

बैठकको सुरुमा वर्तमान परिस्थिति र स्थायी कमिटीको बैठकका सम्बन्धमा अध्यक्षद्वयले मन्तव्य राखेको प्रवक्ता श्रेष्ठले जानकारी दिए । प्रवक्ता श्रेष्ठका अनुसार सरकारको काम, कोरोना महामारी, नेपालको सीमा समस्या, एमसीसी, नागरिकता विधेयक, पार्टीको कामबारे छलफल हुनेछ ।

प्रवक्ता श्रेष्ठका अनुसार अर्को बैठक असार १२ गते ११ बजे बस्ने प्रवक्ता श्रेष्ठले जानकारी दिए ।

प्रधानमन्त्री केपी शर्मा ओलीका प्रेस सल्लाहकार सूर्य थापाका अनुसार नेकपा बैठकका ७ एजेन्डाहरु यस्ता छन्-
१. वर्तमान परिस्थिति र स्थायी कमिटीकाे बैठकका सम्बन्धमा अध्यक्षद्वयकाे सम्बाेधन ।
२. काेभिड-१९ काे नियन्त्रण, राेकथाम र उपचार सम्बन्धमा ।
३. नेपालकाे सीमा समस्या र समाधान सम्बन्धमा ।
४. सरकारकाे कामकाे समग्र समीक्षा सम्बन्धमा ।
५. पार्टी कामकाे समीक्षा र सांगठानिक एकथाकाे बाँकी कामहरू सम्पन्न गर्ने सम्बन्धमा ।
६. एममसीसीका सम्बन्धमा ।
७. विविध ।
क. रूकुम घटना
ख. नागरिकता विधेयक र
ग. संघीय संसदका सदस्यहरूकाे भत्ता ।