नव नायकसँग साम्राज्ञीको यस्तो रुपः ए मेरो हजुर २’ को ट्रेलर

सलोन बस्नेत र साम्राज्ञी राज्य लक्ष्मी शाह स्टारर चलचित्र ‘ए मेरो हजुर २’ को ट्रेलर सार्वजनिक भएको छ । सार्वजनिक ट्रेलरमा प्रेम, सामाजिक कथाबस्तु र एक्सनको समिश्रण देख्न पाईन्छ । सुहाना इंटरटेनमेन्टको प्रस्तुतीमा सुनील कुमार थापा प्रोडक्सनको निर्माण्मा तयार भएको चलचित्र भदौ १६ गते प्रदर्शनमा आउने छ ।

झरना थापाको डेब्यु निर्देशनमा बनेको चलचित्रमार्फत नवनायक सलिनमान बानियाले पनि नेपाली सिने नगरीमा डेब्यु गर्दैछन् । केहिबर्षअघि प्रदर्शनमा आएको चलचित्र ‘ए मेरो हजुर’ को सिक्वेलको रुपमा चलचित्र ‘ए मेरो हजुर २’ प्रदर्शनमा आउन लागेको हो । चलचित्र ‘ए मेरो हजुर’ मा अहिलेको ‘ए मेरो हजुर २’ कि निर्देशक झरना थापा नायिकाको भुमिका थिईन् भने उनको अपोजिट रोलमा स्वर्गिय नायक श्रीकृष्ण श्रेष्ठ रहेका थिए । झरना थापाले स्वर्गिय नायक श्रीकृष्ण श्रेष्ठको सम्झनास्वरुप यो चलचित्रको निर्माण भएको समेत बताएकी छिन् ।

चलचित्रमा सलोन, साम्राज्ञी र सलिनको अलावा अमर सुवेदी, सुमन पौडेल, अजश्रा ढुङ्गाना, अनुभव रेग्मी लगायतका कलाकारहरुको अभिनय रहेको छ । चलचित्रलाई संजय लामाले खिचेका हुन् भने बसन्त सापकोटा र कल्याण सिंहको संगीत रहेको छ । चलचित्रको कथा चर्चित युवाज्योतिष हरिहर अधिकारीले लेखेका हुन् । चलचित्रको यसअघि सार्वजनिक दुई गीतहरुलाई युट्युबमा धेरै नै रुचाईएको छ ।