नयाँ शक्तिबाट उम्मेदवारी दिए ज्यान मार्ने धम्की

काठमाडौं, १८ वैशाख । गोरखा जिल्लाको भीमसेन गाउँपालिका वडा नं. ५ मा नयाँ शक्तिबाट उम्मेदवारी दिन लागेका कृष्ण पोखरेलको घरमा यतिबेला आतंक छाएको छ ।

नयाँ शक्ति पार्टीबाट वडा अध्यक्षको उम्मेदवारी दिने निर्णय गरेसँगै आइतबार राति पाखरेलको चावहिल स्थित डेरामा अज्ञात समूहले ज्यान मार्ने धम्की दिएको हो । मुखमा पट्टी बाँधेर मोटर साइकल चढेर गएका केही युवाहरुले नयाँ शक्तिबाट उम्मेदवारी दिइस् भने सिद्धिन्छस् भन्दै धम्की दिएपछि उनको परिवार आतंकित बनेको छ ।

उक्त वडामा नयाँ शक्ति र सत्ताको नेतृत्व गरिरहेको नेकपा माओवादी केन्द्रबीच प्रतिस्पर्धा रहेको छ । आइतबार नै सोही वडाको रिट्ठेपानीका माओवादी केन्द्रका नेताहरु ठमेलको एक रेष्टुरेन्टमा पोखरेललाई नयाँ शक्तिबाट उम्मेदवारी दिनबाट रोक्ने तयारी गरेको स्रोतले जनाएको छ । ‘कृष्ण पोखरेल उठे भने उनले जित्छन्, त्यसैले उनलाई जसरी भए पनि रोक्नुपर्छ,’ ठमेलका एक होटल सञ्चालकले उनीहरुको कुराकानीको अंश उद्धृत गर्दै भने ।

धम्कीपछि पोखरेलको परिवार आतंकित भएको र उनलाई निर्वाचनमा सहभागी नहुन अनुरोध गरेको पारिवारिक स्रोतले जनाएको छ ।

त्यसै गरि काभ्रे जिल्ला, चौरी देउराली गाउँ पालिका, वडा नं ५ का नयाँ शक्तिको वडा अध्यक्षको उम्मेद्धार दिनेश गौतमलाई अज्ञात समुहले धम्कि दिएको र उक्त धम्कि दिने व्यक्तिको नाम, नम्बर, र उ सम्मिलित पार्टी समेतको पहिचान नयाँ शक्तिले गरि सम्बन्धित सवै राट्रिय तथा अन्र्तराष्ट्रिय मानवअधिकार संस्था र नेपाली सुरक्षा निकायको साथै निर्वाचान आयोगमा पठाउँने तयारी गरेको  छ ।  स्रोतको अनुुसार ति धम्कयाउने व्यक्तिहरु नेपली कंग्रेस र माओवादी केन्द्रका रहेको बुझिन आएको छ ।

उक्त वडामा निज दिनेश गौतम स्वच्छ छवि र युवा समाजसेवी भएको कारण उनिप्रति जनताको विश्वास र आशा भएकोले जनमत उनितर्फ खनिने निश्चिता भएकोले  माओवादी केन्द्रका उम्मेद्धार दिननाथ गौतमको नीदहराम भएको बुझिएको छ ।