काठमाडौं, ११ चैत । नेपाल विद्युत प्राधिकरणका कार्यकारी निर्देशक कुलमान घिसिङले प्राधिकरणले अबको दुई वर्षभित्रै भारतलाई बिजुली बेच्ने सामर्थ्य राख्ने गरी काम गरिरहेको बताएका छन् ।
भारतबाट बिजुली किनेर लोडसेडिङ घटाएको आरोपको खण्डन गर्दै उनले शुक्रबार बिहान सामाजिक सञ्जाल फेसबुकमा उक्त कुरा बताएका हुन् । ‘अहिले नेपालमा लोडसेडिङ्ग घट्नुको कारण भारतबाट महंगोमा बिजुली ल्याएर हो भन्ने अभिव्यक्ति सुनिएकोले केही कुरा प्रस्ट्याउनु पर्ने देखिन्छ,’ उनले अगाडि लेखेका छन्, ‘अहिले भारतबाट करिब ४८० मेगावाट बिजुली ल्याइएको छ,जसमध्ये केही बिजुली नदीनालाको सन्धि सम्झौताअनुसार निःशुल्क पाइएको छ भने अरुलाई किनेरै ल्याइएको छ ।’
घिसिङले आरोपको खण्डन गर्दै अगाडि लेखेका छन्, ‘सबैलाइ के अपिल गर्न चाहन्छौं भने भारतबाट किनेरै भए पनि बिजुली ल्याउँदा उद्योगधन्दाहरु निरन्तर चलिरहेका छन् साथै जेनेरेटर,सोलार र इन्भर्टरको लागि बाहिरिने अरबौं रुपियाँ समेत जोगिएको छ ।’
घिसिङ अगाडि लेख्छन्, ‘त्यसैले समग्रमा हेर्दा भारतबाट केहि बिजुली ल्याउँदा हाम्रो व्यापार घाटा घटेको देखिन्छ । यद्यपि सधैं भारतबाटै बिजुली ल्याउने योजना भने कदापी होइन ।’ अबको २ बर्षमै भारतलाई बिजुली बेच्ने सामर्थ्य राख्नेगरी काम गरिरहेको बताउँदै उनी भन्छन्, ‘त्यसैले बढी नकारात्मक टिप्पणी गर्नुभन्दा पनि विद्युत प्राधिकरणको अभियानलाई आ-आफ्नो स्थानबाट सक्दो सहयोग गर्नुहुन अनुरोध छ ।’
उनले जेठपछि नेपाललाई नै लोडसेडिङमुक्त बनाउने घोषणा गरेका छन् ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने