असार २७ , काठमाडौं– दोस्रो चरणमा भएको स्थानीय तह निर्वाचनको सवै परिणाम सार्वजनिक भएसँगै मुलुकका ६७ जिल्लाका ६१६ स्थानीय तहले स्थानीय जनप्रतिनिधि पाएका छन् ।
असार १४ मा सम्पन्न निर्वाचनअन्र्तगत सुनसरीको धरान उपमहानगरको परिणाम सवैभन्दा ढिला असार २६ मा आएको हो । पहिलो चरण बैशाख ३१ र दोस्रो चरण असार १४ मा भएको स्थानीय निर्वाचनमा संसदको ठुलो दल नेपाली कांग्रेस दोस्रो स्थानमा सीमित भएको छ भने संसदको दोस्रो ठूलो दल स्थानीय तहमा धेरै तह जितेर पहिलो बनेको छ । त्यस्तै संसदमा तेस्रो ठुलो स्थानमा रहेको माओवादी केन्द्र स्थानीय तहमा पनि तेस्रो स्थानमै सिमित बनेको छ ।
एमालेले पहिलो चरणमा १२५ र दोस्रो चरणमा १५१ स्थानीय तह जित्दा जम्मा २७६ स्थान जितेर पहिलो शक्ति बन्न सफल भएको हो । त्यस्तै नेपाली कांग्रेसले पहिलो चरणमा १०५ र दोस्रो चरणमा १२२ स्थान जित्दै जम्मा २२७ स्थानमात्र हात पार्न सफल भएको छ । यो निर्वाचनमा नेपाली कांग्रेसभन्दा एमालेले ४९ तह बढि जित्न सफल भएको छ ।
त्यस्तै माओवादी केन्द्रले भने कांग्रेस एमालेको तुलनामा धेरै कम अर्थात सय स्थानीय तहमा पनि जित्न सकेन । उसले पहिलो निर्वाचनमा ४६ स्थानीय तहको प्रमुख जित्न सफल भएकोमा दोस्रो स्थानीय तहमा ३८ तहमात्र आफ्नो पारेको छ । दुवै चरणको परिणाम जोड्दा माओवादीको जम्मा ८४ स्थानीय तहमामात्र उसको पक्षमा गएको छ ।
त्यस्तै पहिलो चरणको चुनावमा सहभागि नभएको फोरम लोकतान्त्रिकले दोस्रो चरणमा ६ स्थानीय तह जितेको छ भने नयाँशक्ति र संघीय समाजवादी फोरम एउटै चुनाव चिन्हबाट चुनाव लड्दा ९ स्थानमा जित हाँसिल गर्न सफल भएका छन् । त्यस्तै संसदमा चौथो ठुलो दलका रुपमा रहेको राप्रपाले दुवै चरणको निर्वाचनमा ५ स्थानीय तहमा मात्रै जितेको छ । राप्रपा पहिलो चरणमा एक र दोस्रो चरणमा चार स्थानीय तहको प्रमुखको पद हत्याउन सफल भएको हो ।
त्यस्तै स्थानीय चुनावमा राष्ट्रिय जनमोर्चा, नेमकिपा र स्वतन्त्र उम्मेदवारले ११ स्थान तित्न सफल भएका छन् ।
पहिलो र दोस्रो गरी मुलुकका ७४४ मध्ये ६१६ स्थानीय तहमा भएको स्थानीय तह निर्वाचनमार्फत प्रमुख, उपप्रमुख, वडाअध्यक्ष र सदस्यसहित २८ हजार ५ सय ९४ जना जनप्रतिनिधि निर्वाचित हुनुपर्ने हुन्छ ।
तर पहिलो चरणमा चितनवनको भरतपुर महानगरपालिकाका दुई वडाका अध्यक्ष सहित १० जनप्रतिनिधि र मेयर तथा उपमेयर निर्वाचित हुन बाँकी रहँदा अहिलेसम्म २८ हजार ५ सय ८२ जना जनप्रतिनिधि निर्वाचित भएका छन् ।
पुस २८,काठमाडौ । पछिल्लो समय सार्वजनिक सरोकारका बिषयहरुमा मुद्धा दर्ता गरेर चर्चाको रहेका अधिवत्ता बिष्णु
पुस २५,काठमाडौं। प्रतिनिधिसभाको कृषि, सहकारी तथा प्राकृतिक स्रोत समिति सभापति डा. आरजु राणा देउवाले बाँझो
मङ्सिर २९,काठमाडौँ। सभामुख देवराज घिमिरेले सङ्घीय संसद्का महासचिवको नियुक्ति प्रक्रिया रोकिएकोमा असन्तुष्टि जनाउनुभएको छ। सङ्घीय संसद्का
मंसिर १३, काठमाडौं । राजसंस्था सहितको हिन्दुराष्ट्र नेपालको नारासहित क्रियाशिल राष्ट्रिय प्रजातन्त्र पार्टी (राप्रपा) भित्र
मङ्सिर ११, काठमाडौं। प्रधानमन्त्री पुष्पकमल दाहाल ‘प्रचण्ड’ले संविधानमा व्यवस्था अनुसार समाजवाद उन्मुख संविधान कार्यान्वयनको सबैभन्दा
मङ्सिर ४काठमाडौँ। सरकारले टिकटकमाथि लगाएको प्रतिबन्धविरुद्ध सर्वोच्च अदालतमा दायर रिटमा आजबाट सुनुवाइ प्रारम्भ हुँदै छ ।
