दिनदहाडै राजधानीको स्कूलबाटै यसरी भयो बालकको ‘अपहरण’

काठमाडौ– काठमाडौंको मुटु मानिने क्षेत्रपाटीबाट दिनदहाडै   एक स्कूले बालक स्कूलबाटै अपहरणमा परेका छन् ।  क्षेत्रपाटीको पकनाजोलस्थित सरस्वती उच्च माविमा युकेजीमा अध्ययनरत बालक बिशाल चौधरी विद्यालयबाटै अपहरणमा परेका हुन् । 

बुटवल घर भई हाल असनमा बस्दै आएका अजय चौधरीका ५ वर्षीय छोरा उनी अपहरणमा परेको खवरसँगै असन आसपासका सर्वसाधारण बालकको सकुशल रिहाई र सुरक्षाको माग गर्दै  शुक्रबार सोह्रखुट्टे प्रहरी बृत घेर्न पुगेका छन् ।  
कसरी भयो अपहरण ?
विशाल चौधरीलाई बिहिबार बिहान दश बजे अभिभावकले विद्यालय पुर्याएका थिए । सधैजसो बिहान पुर्याउने र दिउँसो साढे ३ तीनबजे लिन जाने अभिभावकको रुटिन थियो । त्यहि अनुसार बिहीबार पनि बिशालका बुवा विजय छोरा लिन स्कुल पुगे ।

छोरो लिन स्कुल पुगेका विजयलाई स्कुलका शिक्षकले भर्खर विजयलाई घर पठाएको भन्ने जवाफ पाए । उनि एकछिन त अक्क न बक्क परे । सधै आफै लिन आउने र लैजाने गरेका उनलाई कसले लग्यो भन्ने खुल्दुली लाग्नु स्वभाविक थियो । उनले परिवारका सदस्यलाईै सोधखोज गरे । कसैले पनि आफुले लगेको भन्ने भनेनन् । त्यसपछि हल्लाखल्ला मच्चियो । स्कुल वरिपरि सवै खोजीमा लागे । कसैले भेटाएनन् । ‘तत्कालै प्रहरीलाई खवर गरेर प्रहरीसमेतको सहयोगमा राति १२ बजेसम्म खोजतालास गर्दा पनि बालक भेटिएन,’ असनका सुजिप वर्जाचर्यले बताए ।  
छिमेकी समेत रहेका सुजिपका अनुसार रअहिलेसम्म बालक भेटिएका छैनन् ।  न त अपहरणकारीको पत्तो लागेको छ । 
एक जना नियन्त्रणमा 
प्रहरीले बालक अपहरणमा संलग्न भएको आशंकामा एक जनालाई नियन्त्रणमा लिएर अनुसन्धान गरिरहेको बताइएपनि उनको नाम सार्वजनिक गरेको छैन ।

यसवारे सोह्रखुटटे प्रहरी बृतका प्रहरी नायव उपरिक्षक सोमेन्द्रसिंह राठोरले अनुसन्धान भइरहेकाले केही भन्न नसक्ने बताए । उनले अपहरण भन्दा पनि बालक हराएको भन्दै खाजतलास भइरहेको बताए । उनका अनुसार हराएका बालकका आमाबाबु र काम गर्ने एक जनालाई नियन्त्रणमा लिएर अनुसन्धान भइरहेको छ ।
 प्रहरी नायव उपरिक्षक राठोरले प्रहरीले अपनाउने सवै किसिमका  उपाय अपनाएर खोजतलास भइरहेकाले बालक भेटिनसक्ने बताए । बुटवल स्थायी घर भएका अजय असनमा घरेलु औजारको व्यापार–व्यवसाय गर्दै आएको र पछिल्लो समय आर्थिक प्रगति समेत गर्दै आएका थिए ।