१६फागुन, काठमाडौ । निर्वाचन आयोगले आगामी स्थानीय निर्वाचनमा भाग लिन इच्छुक दलहरुका लागि छोटो मिति राखेर दल दर्ता आह्वान खुलाएको छ ।
निर्वाचन आयोगले आइतबार एक विज्ञप्ति निकालेर फागुन १८ गतेभित्र निर्वाचन आयोगको केन्द्रीय कार्यालयमा उपस्थित भई दल दर्ता गरि सक्न आहृवान गरेको हो ।
यो आह्वान यसअघि आयोगमा दर्ता भइसकेका दलहरुका लागि मात्रै हो । आयोगले स्थानीय निर्वाचनमा भाग लिने प्रयोजनका लागि नयाँ दल दर्ता खुल्ला गरेको छैन । निर्वाचन आयोगले संविधानको धारा २६९ बमोजिम निर्वाचन आयोगमा दर्ता भई आफू क्रियाशील जिल्लास्थित क्षेत्रीय निर्वाचन कार्यालय वा जिल्ला निर्वाचन कार्यालयमा विवरण उपलब्ध गराउने राजनीतिक दलहरूलाई मात्र आगामी निर्वाचनमा भाग लिन दिने निर्णय गरेको हो ।
आयोगले भनेको छ, ‘आगामी बैशाख ३१ गते सञ्चालन हुने स्थानीय तहको निर्वाचनमा भाग लिनका लागि फागुन १८ गतेसम्म कान्तिपथ, काठमाण्डौस्थित यस आयोगमा निवेदन दिने व्यवस्था गरिएको छ ।’
दल दर्ता गराउँदा चाहिने कागजपत्र
आगामी निर्वाचनमा भाग लिन चाहने दलहरुले दलको महाधिवेशन भएको मिति र स्थान उल्लेख गर्नुपर्नेछ । यस्तै दलको संगठनात्मक स्वरूप, दलको केन्द्रीय कार्यकारिणी समितिको पदाधिकारी तथा सदस्यको संख्या, आयोगसमक्ष दलको वाषिर्क लेखापरीक्षण प्रतिवेदन पेश गरेको मिति उल्लेख गर्नुपर्नेछ ।
यसै गरी दलको केन्द्रीयस्तर, प्रदेशस्तर र जिल्ला कार्यकारिणी समितिको निर्वाचन भएको छ भने पछिल्लो निर्वाचन भएको मिति, आवश्यक पर्नेछ । यससँगै दलको आधिकारिक छापको नमूना, दलको झण्डा, दलको चिन्ह, केन्द्रीय कार्यकारिणी समितिले राजनीतिक दल दर्ता गर्न निवेदन दिने व्यक्तिलाई अधिकार दिएको पत्र हुनुपर्नेछ । र, अन्त्यमा माथि लेखिएको व्यहोरा सत्य भएको घोषणा हस्ताक्षर गर्नुपर्ने आयोगले जनाएको छ ।
यसैगरी निर्वाचन आयोगले मतपत्र छपाइका लागि आवश्यक कागजको बन्दोबस्ती भइसकेको जनाएको छ । निर्वाचन आयोगले आज जनक शिक्षा सामाग्री केन्द्र लिमिटेडमा भएको कागजलाई नै मतपत्र छपाइमा प्रयोग गर्ने निर्णय गरेको हो ।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख ७, काठमाडौँ । निर्वाचन आयोगले उपनिर्वाचन हुने दिन निर्वाचन क्षेत्रभित्रको यातायात व्यवस्थालाई नियमित र
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
काठमाडौं, चैत ३० गते । राष्ट्रपति रामचन्द्र पौडेलले सम्पत्ति शुद्धीकरण सम्बन्धी ऐनलाई संशोधन गर्न बनेको विधेयक
चैत २८, काठमाडौँ । अख्तियार दुरुपयोग अनुसन्धान आयोगले सर्लाही, बागमती नगरपालिकाका प्रमुख भरतकुमार थापाविरुद्ध विशेष अदालतमा
