१७ चैत, काठमाडौं । नयाँ शक्ति पार्टी नेपालका संयोजक डा। बाबुराम भट्टराईले दलीय चुनाव चिन्ह नपाए चुनाव नै हुन नदिने चेतावनी दिएका छन् । साथै संविधान संशोधन नगरी निर्वाचन गरिए देशमा अनर्थ हुने बताए ।
पार्टीको केन्द्रीय परिषद बैठकपछि आयोजित पत्रकार सम्मेलनमा भट्राईले संसदमा भएका दलहरुलाई मात्र दलीय चुनावचिन्हका आधचारमा चुनावमा भाग लिन नदिने निर्णय घोर आपत्तिजनक र षड्यन्त्रमुलक भएको बताए ।
संसदमा भएका दलहरुले मात्र दलीय चुनाव चिन्ह पाउने निर्णय सिण्डिकेटवादी भएको भन्दै उनले भने, ‘यो संविधान विपरित छ । यसलाई सच्याएर छाड्छौं ।’
निर्णय सच्याउन माग गर्दै प्रधानमन्त्रीलाई अल्टिमेटम दिने र २० गतेबाट देशभरका निर्वाचन कार्यालयमा धर्ना दिने निर्णय सुनाउँदै उनले भने, नयाँ शक्तिहरुलाई आउन नदिने दुषित मनसायले निर्वाचन चिन्ह नदिने निर्णय गरिएको छ । यसलाई कुनै हालतमा बदर गराएरै छाड्छौं । निर्वाचन चिन्ह विना नयाँ शक्ति चुनावमा सहभागी नहुने मात्र होइन, चुनाव हुन दिइँदैन ।’
स्थानीय तह निर्वाचन ऐनमा राष्ट्रिय मान्यता प्राप्त दलले मात्रै दलीय आधारमा चुनाव लड्न पाउने र अन्य दलले स्वतन्त्र हैसियदमात्रै पाउने उल्लेख छ । यही व्यवस्था कायम रहे नयाँ शक्ति पार्टीले पनि आगामी स्थानीय चुनावमा दलीय आधारमा नभई स्वतन्त्र हैसियतमा उम्मेदवार खडा गर्नुपर्छ र उसका उम्मेदवारहरुले फरक-फरक चुनाव चिन्ह पाउन सक्छन् ।
पूर्व प्रधानमन्त्री समेत रहेका भट्टराईले संविधान संशोधन गरेर मात्र चुनाव गर्नु पर्ने पुरानै धारणा दोहोर्याए । नयाँ शक्तिले चुनावको वातावरण बनाउन भन्दै अघि सारेको ७ बुँदे सर्तमा संविधान संशोधन पहिलो नम्बरमा छ ।
सर्वदलीय सरकार गठन पनि उसको माग छ । यद्यपि उक्त सर्बदलीय सरकारमा आफ्नो दल सहभागी नहुने भट्टराईले बताए । दलहरुले चुनावी सरकारमा पनि भागवण्डा गरेकाले सर्वदलीय सरकारको माग गरेको उनले बताए ।
भट्टराईले संविधान संशोधन नगरी चुनाव गर्न खोजिए देशमा अनर्थ हुने चेतावनी दिए । उनले भने, असन्तुष्ट पक्षलाई चुनावमा सहभागी गराउने गरी संविधान संशोधन नगएसम्म चुनाव हुन्छ भन्ने नै मलाई लाग्दैन ।’
यद्यपि आफूहरु चुनाव विरोधी नभएको बताए । चुनावका लागि कुनै पनि बेला तयार रहनु पर्ने भएकाले त्यसअनुसार तयारी गरेको भट्टराईले बताए ।
केन्द्रीय परिषदको बैठकले चुनावी कमिटीहरु बनाएको छ । जसमा भट्टराईको नेतृत्वमा केन्द्रीय निर्वाचन परिचालन कमिटी र केशव दाहालको नेतृत्वमा घोषणा मस्यौदा कमिटी बनाइएको छ भने प्रदेश संयोजक तोकिएको छ ।
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
