चुनावमा खटिने कर्मचारीको सुरक्षाका लागि वीमा गरिने

२८ चैत्र, बिराटनगर । निर्वाचन आयोगले स्थानीय तहको चुनावमा खटिने कर्मचारीहरुको सुरक्षालाई ध्यान दिँदै उनीहरुको वीमा गर्ने तयारी गरको छ । चुनावमा बेला कर्मचारीमाथि कुनै क्षति भए उनीहरुका परिवारले वीमा मार्फत रकम पाउने छन् ।

निर्वाचनमा खटिने पूर्वाञ्चलका करिब १२० जना निर्वाचन अधिकृतहरुको तालिम उदघाटन गर्दै निर्वाचन आयुक्त नरेन्द्र दाहालले चुनावमा खटिने कर्मचारीको वीमा गर्ने आयोगले तयारी गरिरहेको जानकारी दिए ।

दाहालले निर्वाचनमा खटिने कर्मचारीको सुरक्षालगायतका विषयमा आयोगले कर्मचारीको वीमा गर्ने काम अघि बढाइसकेको उनाले बताए ।

दाहालले निर्वाचन निष्पक्ष, भयरहित र शान्तिपुर्व रुपमा सम्पन गर्न मुख्य निर्वाचन अधिकृत र निर्वाचन अधिकृतको महत्वपूर्ण जिम्मेवारी हुने भएकाले निर्वाचन सम्पन्न गर्न चुनौती र अवसर दुवैका रुपमा लिन पनि निर्वाचन अधिकृतहरुलाई निर्देशन दिए ।

‘चुनाव एकै चरणमा हुन्छ’

निर्वाचन आयुक्त दाहालले अहिलेको अवस्थामा मुलुकुभर एकै चरणमा आगामी वैशाख ३१ गतै नै निर्वाचन सम्पन्न गर्ने योजनाअनुरुप आयोगले तयारी अघि बढाएको जानकारी दिए ।

बिराटनगरमा सोमबारदेखि सुरु भएको स्थानीय तह निर्वाचन व्यवस्थापन तथा सञ्चालन क्षेत्रीय प्रशिक्षणको उद्घाटन गर्दै आयुक्त दाहालले निर्वाचन आयोगको काम निर्वाचनको व्यवस्थापन मात्रै गर्ने भएकाले सोही अनुरुप आयोग अगाडि बढेको बताए ।

दाहालले निर्वाचनका तयारीका लागि कम्तिमा १२० दिन आवश्यक रहे पनि सरकारले दिएको जिम्मेवारी निर्वाचन आयोगले ८३ दिनकै गरेकोे बताए ।

दुई चरणमा विभाजन गरी बिराटनगरमा आयोजना गरिएको निर्वाचन व्यवस्थापन तथा सञ्चालन क्षेत्रीय प्रशिक्षणमा पूर्र्वी नेपालका मुख्य निर्वाचन अधिकृत र निर्वाचन अधिकृत गरी १२० जनाको सहभागिता छ ।