८ असार , काठमाडौं । नयाँ शक्ति पार्टी, नेपालका संयोजक एवं पूर्वप्रधानमन्त्री डा. बाबुराम भट्टराईले दार्जिलिङमा भइरहेको गोर्खाल्याण्ड आन्दोलन जायज भएको बताएका छन् । बिहीबार सामाजिक सञ्जाल ट्विटरमा ट्विट गर्दै संयोजक भट्टराईले गोर्खाल्याण्ड आन्दोलन जायज भएको बताएका हुन् ।
उनले ट्विटरमा लेखेका छन्, ‘राज्यले अरू देशको आन्तरिक मामिलामा हस्तक्षेप गर्नु हुँदैन तर नागरिकहरूले जायज नागरिक मुद्दाहरूमा बोल्न मिल्छ,मधेस र गोर्खाल्याण्ड दुवै जायज हुन् ।’
उनले त्यहाँको आन्दोनल भारतको आन्तरिक मामिला भए पनि नागरिकको जायज मुद्दाहरुमा बोल्न मिल्ने बताए । नेपालको मधेस आन्दोलनसँग दार्जिलिङको गोरखाल्याण्डको आन्दोलनसँग जोड्दै उनले दुवै आन्दोलन ठीक भएको बताए ।
गएको हप्तादेखि दार्जिलिङ एकदमै तात्तिएको छ । ममता बेनर्जीको सरकारले बंगाली भाषालाई वेस्ट बंगालभरीका सम्पूर्ण विद्यालयमा अनिवार्य बनाउनुपर्छ भन्ने निर्णय गरेपछि आन्दोलन चर्किएको हो ।
हालको घटना भनेको गोर्खा जनमूक्ति मोर्चाले वेस्ट बंगाल सरकारविरुद्ध चर्काएको आन्दोलनको हो । गोर्खाहरुको उक्त माग र संघर्ष ७० वर्ष पुरानो हो र यसको पछाडि एउटा वर्ण, भाषा र संस्कृतिगत विविधताको इतिहास लुकेको छ ।
वेस्ट बंगालका धेरै क्षेत्रहरुमा बंगाली भाषा वृहतमात्रामा बोलिने भएपनि त्यस राज्यको उत्तरी पहाडी क्षेत्रहरु दार्जिलिङ, कुर्साङ र कालेङपुङजस्ता क्षेत्रहरुमा नेपाली भाषीको बाहुल्यता छ जसलाई बंगाली सरकारको भाषाले सधै समस्यामा पार्ने गरेको छ ।
यसबारे मोर्चाले नेपाली भाषालाई पनि हिन्दी या अन्य कुनै भाषाको सट्टामा पहिचान दिनुपर्ने माग राखेको थियो तर त्यो बंगाली सरकारको आवश्यकता विपरीत बनिदियो ।
बंगालीहरुबाट वर्णमा मात्र फरक नभएर संस्कृतिमा पनि फरक भएका गोर्खालीहरुलाई सरकारको उक्त निर्णयले घाउमाथि नुनचुक दल्ने काम गरिरहेको देखिन्छ जसले उनीहरुलाई सधै बाह्य नागरिकको मात्र संज्ञा नदिएर हिनताभाव पनि विकास गराइदिएका छन् ।
सन् २००८ मा स्थानीय युवा प्रशान्त तामाङलाई इन्डियन आइडल बनाउने सार्वजनिक अभियान राजनीतिक मुद्दामा परिवर्तन हुँदा उत्तर पहाडी क्षेत्रका मानिसहरु सिमान्तकृत वर्गमा परेको स्पष्ट हुन्छ ।
त्यसै समय दिल्लीको एउटा एफएमले प्रशान्त तामाङलाई चौकीदार भनि व्यंग्य गरेपछि उनका फ्यान क्लबहरु गोर्खा जनमूक्ति मोर्चाको अफिसमा परिणत भएका थिए र पार्टीको सदस्य संख्या पनि त्यस समय बढेको थियो ।
दार्जिलिङमा विगत एक हप्तादेखि गोरखाल्याण्डको माग गर्दै भइरहेको आन्दोलनमा समर्थन जनाउने भट्टराई पहिलो नेपाली नेता हुन् । यसअघि कुनै पनि नेताले त्यहाँको विषयमा बोलेका छैनन् ।
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
