फागुन २७, २०७३ जाजरकोट : जिल्ला सदरमुकाम खलङ्गाबाट साल्म गाविस खाराका लागि छुटेको ना ३ ख २२७९ नम्बरको यात्रुवाहक बस बिहीबार छिन्चु–जाजरकोट सडकखण्डको बोहरा गाउँनजिकै दुर्घटनामा पर्दा २४ जनाको मृत्यु भएको छ। घटनामा परी ३८ जना घाइते भएको प्रहरीले जनाएको छ। गाडीमा १५ जना र उपचारका क्रममा ९ जनाको जिल्ला अस्पतालमा मृत्यु भएको जानकारी जिल्ला प्रहरी प्रमुख प्रहरी नायब उपरीक्षक भावेश रिमालले दिए। तेईसजना यात्रु लिएर ५ बजे बसपार्कबाट छुटेको ५ मिनेटमै गाडी दुर्घटनामा परेको हो।
बसपार्कबाट करिब ४ किलोमिटर दूरीमा पर्ने भेरीमालिका नगरपालिका ४ बोहरागाउँनजिकै जंगलको मोडबाट ३ सय मिटर तल पासागाड खोलामा खसेको बस टुक्राटुक्रा भएको छ। बाटोमा यात्रु थप्दै हिँडेको बसमा कम्तीमा ६२ जना सवार रहेको प्रहरीको भनाइ छ। थोत्रो बस, यात्रुको अत्यधिक चाप, ओरालोमा तीव्र गतिमा कुदाउँदा अनियन्त्रित भई दुर्घटना भएको घाइतेले बताए। घाइतेको जिल्ला अस्पतालमा प्राथमिक उपचार गरिएको थियो। बेड अभावमा अस्पतालको खुला चौरमा घाइतेको प्राथमिक उपचार गरिएको थियो।
गोरु तिरुवा, मजकोट ७, घाइते
सिट भरिएर क्याबिन र कोलिया पूरै भरिएको थियो। कोलियामा यात्रु उभिएका थिए। बस तीव्र गतिमा हुइँक्याइएको थियो। बस छुटेको ५ मिनेट मात्र भएको थियो। एक्कासि बम पड्केको जस्तो आवाज आयो। अस्पताल आएपछि मात्र आफू घाइते भएको थाहा पाएँ। परिवारका ८ जना सँगै बस चढेका थियौं। अरू कहाँ छन्, के भयो, केही थाहा छैन।
बिना खत्री, कार्कीगाउँ ३, घाइते
बसमा कोचाकोच यात्रु थिए । निकै थोत्रो बसमा पाइला टेक्नेसम्म ठाउँ नराखेर यात्रु कोचेपछि सुरुमै डर लागेको थियो। छुटेको ५/७ मिनेटमै गाडी दुर्घटनामा परिहाल्यो। ओरालो बाटो मोडमा बस नमोडिएर सीधै भिरमा खस्यो। खुट्टामा सामान्य चोट लागेकाले आफैं हिँडेर सडकमा आएँ। त्यसपछि सेनाको गाडीले हस्पिटल ल्यायो। कडा चट्टाने भीरमा सीधै खसेको बस नै टुक्राटुक्रा भएको छ।
चन्द्रबहादुर भारती, जिल्ला कृषि विकास कार्यालयका कर्मचारी
अफिसको काम सकेर घर फर्कंदै थिए। मेरो घर अफिसदेखि करिब १० किलोमिटर टाढा पर्छ । बसमा खुट्टा टेक्नेसम्म ठाउँ थिएन। घर पुग्न हतारले त्यही बसमा उभिएको थिएँ। बसले चार किलोमिटर मात्र पार गरेपछि मोड आयो। त्यो मोडबाट बस सीधै भिरमा खस्यो। मानिसहरू एक्कासि चिच्याएको र ठूलो आवाज आएकोसम्म थाहा पाउँछु।
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फाल्गुण २८, ललितपुर । ललितपुरको टीकाभैरवदेखि तिनपाने भन्ञ्याङ, भट्टेडाँडा, काल्चे, बगुवा हुँदै मकवानपुरको ठिङ्गन भएर हेटौँडा
फागुन २३,काठमाडौं। मन्त्रिपरिषद् आज विस्तार हुनेभएको छ । प्रधानमन्त्री पुष्पकमल दाहाल ‘प्रचण्ड’ का प्रेस सल्लाहकार गोविन्द
फागुन २१, काठमाडौं। प्रधानमन्त्री पुष्पकमल दाहाल ‘प्रचण्ड’ ले नेपाली राजनीति पुनः नयाँ मोडमा आइपुगेको भन्नुहुँदै आफू