संसारभरी कोरोना भाइरसको संक्रमितको संख्या बढ्दो छ । संसारका थुप्रै देश अहिले कोरोनासँगको युद्धमा छ । तर सबैभन्दा शक्तिशाली देश मानिने अमेरिकामाथि विभिन्न प्रश्न तेर्सिएका छन् ।
अमेरिकामा कोरोना भाइरसको कम परीक्षण भएको भन्ने खबर लगातार आइरहेका छन् । यस्तै, एक यस्ता व्यक्तिको मृत्यु भएको छ जसलाई डाक्टरले कोरोना भाइरसको परीक्षण गर्न तीन पटक अस्विकार गरेका थिए ।
डेली मेलको खबर अनुसार अमेरिकाको मिसौरीमा बस्ने ७४ वर्षका डेनिस विलसन पहिलो पटक मार्च १२ मा बिरामी भएपछि अस्पताल गएका थिए ।
उनकी श्रीमती जोनाका अनुसार उनी डाक्टरलाई भेट्न तीन पटक अस्पताल गएका थिए तर बिरामी हुँदासमेत उनको स्वास्थ्योपचार गरिएन ।
उनको शरीरमा खासै धेरै लक्षण नदेखिएकोले परीक्षण आवश्यक नभएको भन्दै डाक्टर पन्छिएको उनकी श्रीमतीले जानकारी दिइन् । पछि उनी असाध्यै बिरामी भएपछि एम्बुलेन्समार्फत् अस्पताल पुर्याएको श्रीमतीले बताइन् ।
तर शनिबार डेनिसको मृत्यु भयो । उनकी श्रीमतीले फेसबुकमा लेखिन्, ‘लडाईं समाप्त भयो ।’
यस्तै डेनिसजस्तै अमेरिकाका धेरै मानिसहरुले कोरोना भाइरसको परीक्षण नगरेको भन्दै असन्तुष्टि व्यक्त गरेका छन् ।
न्यूयोर्क टाइम्सको एक रिपोर्ट अनुसार अमेरिकाका प्रभावशाली जनता, सेलिब्रिटी, नेता र धनाढ्यले निकै सजिलै कोरोना भाइरसको परीक्षण गराइरहेका छन् ।
बास्केटबल असोसिएशनका थुप्रै समूहले आफ्ना सबै खेलाडीको कोरोना भाइरस परीक्षण गराएको छ ।
जोनाका अनुसार मार्च १५ मा डाक्टरले डेनिसको एक्सरे परीक्षण गर्दा उनी निमोनियाबाट पीडित भएको थाहा पाएका थिए । डाक्टरले उनलाई कोरोना भाइरसको संदिग्ध भएको थाहा पाउँदा पाउँदै पनि कोरोना भाइरसको परीक्षण नगरेको जोनाले आरोप लगाइन् ।
पछि उनलाई कोरोना भाइरसको संक्रमण भएको पुष्टि भयो । जोनाका अनुसार उनको श्रीमान्ले मृत्यु अघिको एक हप्ता निकै पीडामा बिताए । एजेन्सी
काठमाडौँ, फागुन ११ गते । अवैध बाटो प्रयोग गर्दै अमेरिका पुगेका आठ जना नेपालीलाई अमेरिकाले नेपाल
काठमाडौँ, पुस २६ गते । नेपाल क्रिकेट सङ्घ (क्यान)ले नेपाली राष्ट्रिय क्रिकेट टोलीका खेलाडी एवं
मङ्सिर ८,गाजापट्टी । इजरायल–हमास युद्धमा चारदिने युद्धविराम शुक्रबारदेखि लागू भएको छ । हजारौंको ज्यान लिने
काठमाडौँ, कात्तिक १३ गते । संयुक्त राष्ट्रसङ्घका महासचिव एन्टोनियो गुटेरेसले नेपालको हिमालमा जलवायु परिवर्तनले पारेको असरबारे
कार्तिक १०, काठमाण्डौं । चीनको प्रशासनिक क्षेत्र हङ्गकङ्गका प्रमुख कार्यकारी जोन लिले आप्mनो नीतिमा नेपाल,
काठमाडौं, कात्तिक ९ गते । विश्वमा अचेल सबै उमेर समूहमा टाटु लोकप्रिय भएको छ । विकसित