२२ चैत, काठमाडौं । नेपाल विद्युत प्राधिकरणका प्रवन्ध निर्देशक कुलमान घिसिङले देशभर ‘पिक आवर’को लोडसेडिङ हटेको घोषणा गरेका छन् । उनले अब बिहान र बेलुकीको लोडसेडिङ पूर्ण रुपमा हटेको बताएका हुन् ।
मंगलबार पत्रकार सम्मेलन गरेर घिमिङले अब लोडसेडिङबारे चिन्ता गर्नु पर्ने अवस्था नरहेको बताए ।
साथै अब देशभर पिक आवरमा लोडसेडिङ नहुने बताए । प्राधिकरणले विहान ५ देखि ८ बजे र साँझ ५ देखि साढे ८ बजेस्म्मलाई पिक आवर मानेको छ ।
‘अहिले देशभर कतै पनि पिक आवरमा लोडसेडिङ छैन । हामीले कालिगण्डकीलाई पिक आवरमा पूर्ण क्षमतामा चलाएका छौं’ घिसिङले भने’,’डिमान्डअनुसारको सप्लाइ दिने गरी हामी प्रतिवद्ध भएर लागेका छौं ।’
अहिले प्राधिकरणले पिक आवरमा कुलेखानी पनि चलाइरहेको छ । सँगै धेरै माग हुने समयमा भारतबाट पनि पूर्ण क्षमतामा विजुली आइरहेको छ ।
काठमाडौं, पोखरा र चितवनलाई लोडसेडिङ मुक्त घोषणा गरेको प्राधिकरणले देशका अन्य भागमा भने केही घन्टा विद्युत कटौती गर्दै आएको थियो । अब पिक आवरमा भने देशभर नै लोडसेडिङ नहुने घिसिङले बताए ।
उनले अब उद्योगहरुलाई पनि बढी विजुली दिे विषयमा प्राधिकरण केन्द्रित हुने बताए । अहिले घरेलु ग्राहकलाई भन्दा उद्योगहरुलाई कम विजुली दिइएको छ ।
अब औद्योगिक क्षेत्रमा सप्लाइ बढाउँदै लैजाने घिसिङको भनाइ छ । लोडसेडिङ हटाउने अभियानमा मौसमका कारण पनि केही सहज भएको उनले बताए ।
प्राधिकरण प्रमुख कुलमान घिसिङले अब आफूहरु निर्माणाधीन आयोजना समयमै सम्पन्न गर्न र काठमाडौंका ट्रान्सर्फमर अपग्रेडिङमा लाग्ने बताएका छन् ।
उनका अनुसार अहिलेका काठमाडौंका ट्रान्सर्फमर ४०० मेगावाट क्षमताका छन्, अब यसलाई अपग्रेड गरेर १००० मेगावाट बनाउने योजना छ ।
कुलमानले भने, ‘मौसम र सिस्टममा खराबी आए भने विजुली जान सक्छ । सिस्टममा खराबी आउने कारण हुनसक्ने समस्यालाई समाधान गर्न नै हामी डिस्ट्रीब्युसन लाइननको सुधारका लागि काम गर्दैछौं । उपभोक्ताले पनि यसका लागि धैर्य गर्नुपर्छ ।’
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
