काभ्रेपलाञ्चोक जिल्लाबाट यस शैक्षिक सत्रमा ८ हजार ६ सय २० जना विद्यार्थीहरु माध्यमिक शिक्षा परीक्षामा सहभागी हुँदैछन्। मंगलबार काभ्रेको धुलिखेलमा पत्रकार सम्मेलन गरी जिल्ला परीक्षा समन्वय समितिका अध्यक्ष प्रमुख जिल्ला अधिकारी शिवप्रसाद शिम्खडाले ८ हजार ६ सय २० जना परीक्षार्थीका लागि ४० वटा केन्द्र तोकिएको जानकारी दिए।
‘हामीले परीक्षार्थीहरुका लागि जिल्लाको विभिन्न स्थानमा गरी ४० वटा केन्द्र तोकी केन्द्राध्यक्षको समेत ब्यवस्था गरिसकेका छौं’ शिम्खडाले भने। परीक्षालाई मर्यादित र व्यवस्थित बनाउन जिल्लाभरीमा ३ सय जनाभन्दा बढी सुरक्षाकर्मी खटाइने उनले जानकारी दिए। ‘प्रत्येक केन्द्रमा ७ जना सुरक्षाकर्मी रहनेछन्’ प्रमुख जिल्ला अधिकारी शिम्खडाले भने, ‘परीक्षा केन्द्रको अवस्था अनुसार कम्पाउण्ड नभएका खुल्ला केन्द्रको लागि आवश्यकताको आधारमा सुरक्षाकर्मी परिचालित हुनेछन्।’
१० कक्षामा अध्ययनरत विद्यार्थीले यस वर्ष चैत ३ देखि १४ गतेसम्म माध्यमिक शिक्षा परीक्षा दिँदैछन्। जिल्ला शिक्षा कार्यालय काभ्रेका परीक्षा शाखाका अधिृकत रामबहादुर तामाङका अनुसार ८ हजार ८० जना नियमिततर्फको परीक्षार्थी छन्। १ सय ६५ जनाले भने विद्यालयमा ७५ प्रतिशत भन्दा कम हाजिर भएका कारण परीक्षा दिन पाएनन्।
२ दृष्टिविहीन र ७ बहिरा विद्यार्थी
काभ्रे जिल्लाबाट यस शैक्षिक सत्रको माध्यमिक शिक्षा परीक्षामा २ जना दृष्टिविहीन र ७ जना बहिरा विद्यार्थी सहभागी हुँदैछन्। त्यस्तै विभिन्न मुद्दामा बन्दी भएका ७ जना कैदी बन्दीहरुले जिल्ला कारागारबाट परीक्षामा सहभागिता जनाउने शिक्षा कार्यालयका परीक्षा शाखाका शाखा अधिकृत तामाङले बताए। जिल्लाका सामुदायिक र संस्थागत विद्यालय गरी २ सय १६ वटा विद्यालयका विद्यार्थीहरु परीक्षामा सहभागी हुँदैछन् ।
खिमलाल देवकोटा २५ चैत २०८०, आइतबार नेपालको संविधानको धारा ११९ को उपधारा ३ बमोजिम नेपाल
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फाल्गुण २८, ललितपुर । ललितपुरको टीकाभैरवदेखि तिनपाने भन्ञ्याङ, भट्टेडाँडा, काल्चे, बगुवा हुँदै मकवानपुरको ठिङ्गन भएर हेटौँडा
फागुन २१, काठमाडौं। प्रधानमन्त्री पुष्पकमल दाहाल ‘प्रचण्ड’ ले नेपाली राजनीति पुनः नयाँ मोडमा आइपुगेको भन्नुहुँदै आफू
ललितपुर, फागुन १४ गते । नागरिकमैत्री पत्रकारिताका लागि सामाजिक सञ्जालको भरपुर उपयोग गरिनुपर्नेमा सरोकारवालाले जोड दिएका
माघ २६,काठमाडौँ । न्याय सेवा आयोगको परीक्षा महाशाखाले ४३ जना जिल्ला न्यायाधीशका लागि विज्ञापन गरेको
