काठमाडौं, २१ असोज । नेपाल–भारत प्रबुद्ध समूह (इपिजी)को पाँचौँ बैठक शनिबार बस्ने भएको छ । यसपटकको बैठकमा नेपाल–भारत सीमा व्यवस्थापन प्रमुख एजेन्डा रहेको छ ।
बैठकमा सहभागी हुन भारततर्फका तीनजना सदस्य शुक्रबार काठमाडौं आएका छन् । बैठकमा नेपालतर्फबाट संयोजक डा. भेषबहादुर थापा तथा सदस्यहरू डा. राजन भट्टराई, नीलाम्बर आचार्य र सूर्यनाथ उपाध्याय सहभागी हुनेछन् ।
भारतबाट संयोजक भगतसिंह कोस्यारी तथा सदस्यहरू डा. बिसी उप्रेती र महेन्द्र पी लामा सहभागी हुनेछन् ।
भारततर्फका सदस्य पूर्वराजदूत जयन्तप्रसाद भने माइनर हर्टअट्याक भएका कारण बैठकमा आउन नसकेको नेपालतर्फका सदस्य डा. भट्टराईले जानकारी दिए ।
‘यसपटकको बैठकमा पनि दुईपक्षीय सम्बन्धका सबै विषयमा छलफल हुन्छ । सीमा व्यवस्थापनबारे पनि छलफल हुन्छ,’ डा. भट्टराईले नयाँ पत्रिकासँग भने ।
इपिजीको चौथो बैठक १७ देखि १७ जेठसम्म भारतको देहरादुनमा भएको थियो । उक्त बैठकमा नेपाल–भारत शान्ति तथा मैत्री सन्धिबारे छलफल भएको थियो ।
त्यसअघि काठमाडौंमा २३ र २४ चैत ०७३ मा काठमाडौं बसेको तेस्रो बैठकमा नेपालका तर्फबाट १९५० को सन्धि, व्यापार तथा पारवहन सन्धि र जलस्रोतसम्बन्धी सन्धि–सम्झौतामा नेपालले चाहेको परिमार्जन पेस भएको थियो ।
इपिजीको दोस्रो बैठक १८ र १९ असोज ०७३ मा नयाँदिल्लीमा भएको थियो । पहिलो बैठक भने नेपालले २० र २१ असारमा काठमाडौंमा आयोजना गरेको थियो ।
नेपाल–भारत प्रबुद्ध समूहको पहिलो बैठकको पहिलो एजेन्डा १९५० को शान्ति तथा मैत्री सन्धि थियो । समूहको पहिलो बैठक बसेको मितिअनुसारको दुईवर्षे अवधि ०७५ असारमा सकिन्छ ।
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
काठमाडौं, चैत ३० गते । राष्ट्रपति रामचन्द्र पौडेलले सम्पत्ति शुद्धीकरण सम्बन्धी ऐनलाई संशोधन गर्न बनेको विधेयक
चैत २८, काठमाडौँ । अख्तियार दुरुपयोग अनुसन्धान आयोगले सर्लाही, बागमती नगरपालिकाका प्रमुख भरतकुमार थापाविरुद्ध विशेष अदालतमा
खिमलाल देवकोटा २५ चैत २०८०, आइतबार नेपालको संविधानको धारा ११९ को उपधारा ३ बमोजिम नेपाल
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
