काठमाडौं २२ चैत्र – कांग्रेस युवा नेता रविन्द्रशम्शेर शाहको हत्या विप्लव माओवादी कार्यकर्ताले गरेको खुलासा भएको छ । आर्थिक लेनदेन तथा चन्दा नदिएको निहुँमा विप्लव निकट कार्यकर्ताले शाहको हत्या गरेको प्रहरीले दाबी गरेको छ ।
प्रहरीले मंगलबार पत्रकार सम्मेलन मार्फत शाह हत्या घटना विवरण सार्वजनिक गरेको हो । प्रहरीले पत्रकार सम्मेलन कार्यक्रममा हत्यामा संलग्न मध्येका शिव भन्ने ठगेन्द्रबहादुर सिंह र डिल्ली भन्ने डिलबहादुर रानालाई सार्वजनिक गरेको हो ।
हत्या योजनाकार तथा घटनामा संलग्न संकित भनिएका सिंह र रानाले अपराध स्वीकार गरेको प्रहरी वरिष्ठ उपरीक्षक महेशविक्रम शाहले बताए । हत्यामा संलग्न देखिएका पौरख भनिने बलबहादुर मल्ल, इतिहास भनिने प्रेम वली, मोहित सिंह भनिने इन्द्र शाही, अभिषेक भनिने दिर्घबहादुर नेपाली र नाम खुल्न नसकेका सुर्खेत घर भएका एक व्यक्तिको खोजी भैरहेको भेरी अञ्चल प्रमुख शाहले बताए । पक्राउ परेका र फरार रहेका सबै विप्लव नेतृत्वको माओवादी सम्बद्ध कार्यकर्ता भएको प्रहरी वरिष्ठ उपरिक्षक शाहले बताए ।
विप्लव माओवादी निकट कार्यकर्तालाई चन्दा तथा अन्य सहयोग गर्न अस्विकार गर्नु, गत पुसमा पाँचतारा युवा संरक्षण मञ्चको खलंगा स्थित कार्यालयमै चन्दा विषयमा मृतक शाह र विप्लव कार्यकर्ताबीच हात हालाहाल हुनु, गत आर्थिक वर्ष ढिमे सिंचाई कुलो निर्माण ठेक्कामा बलबहादुर मल्ल ‘पौरख’ लाई सहमति भए अनुरुपको रकम नदिनु, शाहको बलियो राजनीतिक पहुँच रहनु, ठेक्का व्यवसायमा शाहको वर्चश्व बढ्नु लगाएत हत्याका मुख्य कारण भएको प्रहरी वरिष्ठ उपरीक्षक शाहले बताए ।
मृतक तथा शंकास्पद व्यक्तिको मोवाइल नम्बरको कल डिटेल्स अध्ययन, हत्या आशंकामा नियन्त्रणमा लिएका शंका गरिएको व्यक्तिमा पोलीग्राफ परीक्षणलगाएत अनुसन्धानबाट हत्याराको पहिचान भएको प्रहरी वरिष्ठ उपरिक्षक शाहले बताए ।
योजनाकार तथा घटनामा संग्लग्न व्यक्तिले शाहको हत्या योजना भेरी गेष्ट हाउस ठाँटीबजार, खलंगा बुनेको उनले बताए । प्रहरीले शाह हत्यामा संग्लग्न भएको आशंकामा १३ जनालाई नियन्त्रण लिएको थियो । आवश्यक अनुसन्धान पश्चात ५ जनालाई छाडिएको अन्य ८ लाई अनुसन्धानका लागि प्रहरी हिरासतमा राखिएको प्रबउ शाहले बताए ।
इन्टरपोलमा रेडकर्नर नोटिस जारी गरेर भए पनि हत्यारालाई पक्राउ गरीने शाहले बताए । गत १५ गते अपरिचित व्यक्तिको समूहले भेरी नगरपालिका–३, थाप्ले निवासी कांग्रेसका युवा नेता तथा समाजसेवी ३६ वर्षीय शाहको हत्या गरेका थिए ।
शाह नेविसंघका पूर्व केन्द्रिय सदस्य तथा पाँचतारा युवा संरक्षक मञ्चका अध्यक्ष पनि थिए ।
इकान्तिपुरबाट
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
