विराटनगर, २२ मंसिर । १ नम्बर प्रदेशका विभिन्न जिल्लामा मतगणनाका काम सुरू हुने प्रक्रिया चलिरहेका बेला पहाडी र हिमाली जिल्लामा आएका प्रारम्भिक चरणका नतिजाले १ नम्बर प्रदेशमा कांग्रेसका क्रिम अनुहार डेन्जर जोनमा पर्नसक्ने प्रारम्भिक अनुमान हुन थालेको छ ।
झापा–३, मोरङ–४, मोरङ–२, मोरङ–६, सुनसरी–४, सुनसरी–३ मा पनि कांग्रेसका हेवीवेट उम्मेदवारको प्रतिनिधि सभाको यात्रा संकटमा रहेको छ । स्थानीय निर्वाचनका बेला पहाडमा बलियो मत ल्याएको कांग्रेसको २ नम्बर प्रदेश बाहेकका प्रदेशमा कमजोर भोट बैंक नै देखिएको थियो ।
झापा–३ मा कृष्णप्रसाद सिटौलालाई राप्रपाका राजेन्द्र लिङ्देन, मोरङ–२ मा डा. मिनेन्द्र रिजाललाई नेकपा एमालेका ऋषकेश पोखरेल, मोरङ–६ मा डा. शेखर कोइरालालाई एमालेका लालबाबु पण्डित, सुनसरी–४ मा ज्ञानेन्द्र कार्कीलाई एमालेका रमेश श्रेष्ठ, सुनसरी–३ मा विजयकुमार गच्छादारलाई एमालेकी भगवती चौधरीको चुनौति भारी पर्नसक्ने अनुमान गरिएको छ ।
कांग्रेसको बलियो मतादाता रहेको यस क्षेत्रमा यी हेवीवेट नेता डेन्जर जोनमा रहेका विश्लेषण सुरू भएको छ । यी उम्मेदवार कांग्रेसका क्रिम अनुहार हुन् ।
‘यस पटक जनताले दिएको मतको आधारलाई हेर्ने हो भने कांग्रेसको जीवनमा सवैभन्दा ठूलो घाटा हुने रूझान देखा परेको छ । यो रूझानका आधारलाई मान्ने हो भने कांग्रेसलाई हराउने भन्दा पनि एउटा गठजोडलाई देश परिवर्तनका निम्ति बहुमत दिएको भन्नुपर्छ’, स्थानीय पत्रकार चन्द्रमणि कट्टेल भन्छन्,‘राजनीतिमा यो परिस्थिति आउनु थियो, लोकतान्त्रिक गठबन्धन कमजोर रहेका कारण बलियो गठजोडले बहुमत ल्याउने संकेत देखिएको छ ।’
नेपाली कांग्रेसलाई समानुपातिकमा पनि मत गुमाउनसक्ने खतरा रहेको छ । वैकल्पिक राजनीतिक व्यवस्था खोजिरहेका कांग्रेसका बहुमत मतदातालो विवेकशील साझालाई समर्थन गरेको कारण घाटा हुनसक्ने बताइएको छ । ‘पूर्वमा कांग्रेसको जीवन प्रत्यक्षमा आउने मतका आधारमा मात्र निर्धारित हुनसक्ने अनुमान थियो । पूर्वी पहाडमा पनि कांग्रेसलाई खसेको मतका आधारमा यस्तो विश्लेषण गर्न सकिन्छ’, अर्का पत्रकार नवराज विष्ट भन्छन्,‘दलको भन्दा पनि प्रभावका आधारमा यहि प्रकृतिको नतिजा आउँछ भन्ने आँकलन गर्न सकिन्छ ।’
पुस २८,काठमाडौ । पछिल्लो समय सार्वजनिक सरोकारका बिषयहरुमा मुद्धा दर्ता गरेर चर्चाको रहेका अधिवत्ता बिष्णु
पुस २५,काठमाडौं। प्रतिनिधिसभाको कृषि, सहकारी तथा प्राकृतिक स्रोत समिति सभापति डा. आरजु राणा देउवाले बाँझो
मङ्सिर २९,काठमाडौँ। सभामुख देवराज घिमिरेले सङ्घीय संसद्का महासचिवको नियुक्ति प्रक्रिया रोकिएकोमा असन्तुष्टि जनाउनुभएको छ। सङ्घीय संसद्का
मंसिर १३, काठमाडौं । राजसंस्था सहितको हिन्दुराष्ट्र नेपालको नारासहित क्रियाशिल राष्ट्रिय प्रजातन्त्र पार्टी (राप्रपा) भित्र
मङ्सिर ११, काठमाडौं। प्रधानमन्त्री पुष्पकमल दाहाल ‘प्रचण्ड’ले संविधानमा व्यवस्था अनुसार समाजवाद उन्मुख संविधान कार्यान्वयनको सबैभन्दा
मङ्सिर ४काठमाडौँ। सरकारले टिकटकमाथि लगाएको प्रतिबन्धविरुद्ध सर्वोच्च अदालतमा दायर रिटमा आजबाट सुनुवाइ प्रारम्भ हुँदै छ ।
