५ फागुन, रौतहट । विभिन्न बैंकका २७ थान एटीएम कार्ड र पाँच लाख ७७ हजार नगदसहित दुई जनालाई रौतहट प्रहरीले पक्राउ गरेको छ ।
विशेष सुराकीको आधारमा खटिएको प्रहरी टोलीले गौरको मुख्य बजार क्षेत्रबाट धरहरी गाविस ८ का सुनिल साह र वडा नम्वर ४ का पुरुषोत्तम साहलाई पक्राउ गरेको हो ।
दुबै जनालाई खानतलासी गर्दा उनीहरुको साथबाट २७ थान एटीएम कार्ड र ५ लाख ७७ हजार रुपैयाँ बरामद भएको जिल्ला प्रहरी कार्यालय रौतहटले जनाएको छ ।
सबैभन्दा धेरै १० वटा एटीएम कार्ड एनआईसी एसिया बैंकका छन् । यसैगरी हिमालयन बैंकका ७ वटा र माछापुच्छ्रे बैंकका ६ वटा एटीएम कार्ड बरामद भएका छन् । नेपाल राष्ट्र बैंक, ग्लोबल आईएमई, नबिल र एसीई डेभलपमेन्ट बैंकका एक-एकवटा एटीएम कार्ड साहद्वयको साथबाट बरामद भएका छन् ।
पक्राउ परेका साहद्वयलाई प्रहरी हिरासतमा राखेर आवश्यक अनुसन्धान भइरहेको जिल्ला प्रहरी कार्यालय रौतहटका प्रहरी निरिक्षक अशोक झाले बताए ।
सीमा क्षेत्रमा अवैधरुपमा भारतीय रुपैयाँको कारोबार गर्ने केही गिरोहले नेपाली बैंकमा जम्मा गरेको रकम भारतीय एटीएमबाट झिकेर भारतीय रुपैयाँको कारोबार गरिरहेका छन् । फरक-फरक बैंकका एटीएम प्रयोग गरेर भारतीय रुपैयाँ झिक्ने र चर्को दरमा सटही गर्ने कारोबारीको संख्या सीमा क्षेत्रमा बढेको छ ।
पक्राउ परेकाहरुको साथबाट ठूलो परिमाणमा नेपाली बैंकको एटीएम कार्ड बरामद हुँदा उनीहरु पनि भारतीय रुपैयाँको कारोबारमा संलग्न हुन सक्ने आशंका प्रहरीको छ ।
प्रहरी अनुसन्धान पूरा भएपछि आवश्यक कारवाहीका लागि दुवै जनालाई राजस्व अनुसन्धान विभाग काठमाडौं पठाउने तयारी भइरहेको प्रहरी निरीक्षक झाले बताए ।
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
फागुन २९,काठमाडौं । । मङ्गलबार बिहान प्रधानमन्त्री निवास बालुवाटारमा बसेको सत्तारुढ गठबन्धनको बैठकमा नेकपा (माओवादी
फागुन २३,काठमाडौं। मन्त्रिपरिषद् आज विस्तार हुनेभएको छ । प्रधानमन्त्री पुष्पकमल दाहाल ‘प्रचण्ड’ का प्रेस सल्लाहकार गोविन्द
फागुन २०, काठमाडौँ । सामाजिक सुरक्षामा बढ्दो वित्तीय दायित्व कम गर्न सरकारले नगदमा उपलब्ध गराइने
फागुन १६, काठमाडौँ । नेपाल स्टक एक्सचेन्ज (नेप्से) परिसूचकमा सामान्य अङ्कको गिरावट देखिएको छ ।