३१ वैशाख, एजेन्सी। उत्तर कोरियाले नयाँ मिसाइल परीक्षण गरेको छ। देशको उत्तरपश्चिम स्थित कुसोङ नजिक रहेको परीक्षण केन्द्रबाट आइतबार नयाँ मिसाइल प्रक्षेपण गरिएको दक्षिण कोरियाका अधिकारीहरुले बताएका छन्।
दक्षिण कोरियाली अधिकारीहरुको अनुसार मिसाइलले ७०० किलोमिटर यात्रा गरेको छ। मिसाइल जापानी सागर तर्फ ७०० किलोमिटर टाढासम्म उडेको अमेरिकी अधिकारीहरुले पनि पुष्टि गरेका छन्। तर यो मिसाइलको प्रकारबारे भने एकिन भइनसकेको बताइन्छ।
दक्षिण कोरियाको राष्ट्रपतिमा मुन जे इन निर्वाचित भएपछि उत्तर कोरियाको यो पहिलो परीक्षण हो। मुन उत्तर कोरियाको परमाणु कार्यक्रम रोक्न उसंग छलफल गर्ने पक्षमा छन्।
उत्तर कोरियाको नयाँ परीक्षणको जापानी प्रधानमन्त्री सिन्जो आबेले निन्दा गरेका छन्।
‘अन्तराष्ट्रिय दबाबको बावजुद उत्तर कोरियाले ब्यालेस्टिक मिसाइल प्रक्षेपण गरेको छ। यो स्वीकार्य छैन। हामी यसको कडा विरोध गर्छौ’, उनले परीक्षण पश्चात एक पत्रकार सम्मेलनमा भने।
दक्षिण कोरिया र अमेरिकाले असफल भनेको परीक्षणको दुई हप्ता पश्चात उत्तर कोरियाले फेरि नयाँ परीक्षण गरेको हो।
अमेरिकी राष्ट्रपति डोनाल्ड ट्रम्पले जनवरीमा सत्ता सम्हालेपछि उत्तर कोरियाले ९ वटा मिसाइल प्रक्षेपण गरिसकेको छ।
पछिल्ला महिनाहरुमा उत्तर कोरिया र अमेरिकाबीचको तनाव उच्च विन्दुमा भएपनि हिजो मात्र दक्षिण कोरियाको समाचार एजेन्सी योनहापले उत्तर कोरिया सहि परिस्थितिमा अमेरिकासंग वार्तागर्न तयार हुनसक्ने खबर छापेको थियो।
वैशाख १०,ललितपुर । प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ’प्रचण्ड’ ले चुनौतीहरू भए
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने
