ईन्टरनेट सेवा प्रदायकलाई सूचीकरण हुन आह्वान

२ भदौ,भक्तपुर। सुर्यविनायक नगरपालिका वडा नं.२ भक्तपुरले ईन्टरनेट सेवा प्रदायक कम्पनिहरुलाई सुचिकरण गर्न १५ दिने सुचना प्रकाशित गरेको छ।बिहिवार वडा अध्यक्ष श्री प्रदिप कार्किले वडा कार्यालयको तर्फबाट एक सुचना प्रकाशित गरि यस्तो आग्रह गर्नुभएको हो।
ईन्टरनेट व्यवसायको अव्यवस्थित तारको कारणले स्वच्छ र हराभरा शहर निर्माण गर्ने अभियानलाई बाधा पुगेको छ।जसको कारणले बालबालिका,पैदल यात्री,सवारी साधन र बस्तिहरुलाई उच्च जोखिम बढेको छ।
सुर्यविनायक नगरपालिका वडा नं.२ ले सुचना जारी गर्दै भनेको छ।सुर्यविनायक नगरपालिका वडा नं.२ बालकोटमा संचालित ईन्टरनेट सेवा प्रदायक संस्थाहरूले यो सुचना प्रकाशित भएको मितिले १५ दिनभित्र यस वडा कार्यालयमा आई व्यवसाय दर्ता गर्नु हुन यो सुचना प्रकाशित गरिएको छ।
पछिल्लो समय भक्तपुर लगायत देशै भरी ईन्टरनेट तथा केवल व्यवसायको अव्यवस्थित तारको कारणले फैलिंदै गएको दृश्य प्रदुषणलाई हटाउनको निमित्त पिपुल नेपाल डट्कमले आवाज उठाउंदै आईरहेको छ।