७ वैशाख, काठमाडौं । संयुक्त लोकतान्त्रिक मधेसी मोर्चालाई सकेसम्म सहमतिमा ल्याउने नआएमा वैशाख ३१ गते नै स्थानीय तह निर्वाचन गर्ने विषयमा प्रमुख दलहरुबीच सहमति जुटेको छ । आज प्रकाशित सबैजसो दैनिक पत्रपत्रिकाहरुले यही विषयलाई आफ्नो मुख्य खबर बनाएका छन् । देशभर १८ हजार मतदान केन्द्र तोकिएको खबर पनि आजका पत्रपत्रिकाहरुले लेखेका छन् ।
आजको गोरखापत्र दैनिकले ‘मोर्चा सहमत भए दुई चरणमा निर्वाचन’ शीर्षक दिएर मुख्य खबर लेखेको छ । १८ हजार मतदान केन्द्र स्थापना भएकादेखि राष्ट्रपतिको भारत भ्रमण फलदायी बनेकोसम्मका खबर गोरखापत्रको पहिलो पृष्ठमा छ ।
नयाँ पत्रिका दैनिकले पाँच दलबीच बुधबार बालुवाटारमा भएको छलफलको निष्कर्षलाई आफ्नो मुख्य खबर बनाउँदै लेखेको छ – मधेसी मोर्चा सहमतिमा नआए पनि ३१ वैशाखमै स्थानीय तह निर्वाचन गर्न प्रमुख पाँच दल सहमत भएका छन् । कोसी यातायातमा साढे ५६ करोडको अनियमितता भएको खबर पनि नयाँ पत्रिकाले लेखेको छ ।
‘प्रधानमन्त्रीको प्रस्तावः दुई चरणमै निर्वाचन गर्ने कि ?’ शीर्षक दिएर पाँच दल बैठकबारेको खबर पस्केको कान्तिपुरले स्थानीय तह निर्वाचनको मतपत्रबारे जानकारीमूलक सामग्री छापेको छ ।
राजधानी दैनिकले संसद्का ऐतिहासिक दस्तावेज बेवास्ताको सिकार बन्दा लोप हुने अवस्थामा पुगेको सामग्री छापेको छ ।
लाउडामा राय बाझिएकोदेखि मोर्चा नआए पनि वैशाख ३१ मै निर्वाचन हुनेसम्मका खबर आजको अन्नपूर्ण पोस्ट दैनिकमा छ ।
वैशाख ५,दमौली (तनहुँ)। नुवाकोटको विदुर नगरपालिका-११ वासुदेव अवस्थीलाई पहिलो पटक ऐनापहरा पुग्दा निकै आकर्षक लाग्यो
वैशाख २, काठमाडौँ । प्रधानमन्त्री पुष्पकमल दाहाल ‘प्रचण्ड’ले विद्यालय जाने उमेरका बालबालिकालाई पायक पर्ने विद्यालयमा भर्ना
तुलसीपुर (दाङ), चैत २२ गते । लुम्बिनी प्रदेश सरकारका मुख्यमन्त्री डिल्लीबहादुर चौधरीले आज विश्वासको मत लिनुहुने
काठमाडौं, चैत २१ गते। शिक्षा, विज्ञान तथा प्रविधिमन्त्री सुमना श्रेष्ठले माध्यामिक शिक्षा परीक्षा (एसईई)बाट वञ्चित
चैत ७,काठमाडौँ। सर्वोच्च अदालत परिसरबाट सोमबार अत्याधुनिक हतियारसहित पक्राउ परेका दुई जनालाई पाँच दिन हिरासतमा राख्न
चैत २, काठमाडौँ। दक्षिण कोरियामा सन् २०२४ का लागि रोजगार अनुमति प्रणाली (इपिएस) मार्फत जाने