२ नम्बर प्रदेशको चुनाव सार्ने विषयमा राजपाभित्र विवाद

madhesi-party-united-9-rajapa_qfzaUOkfhUकाठमाडौं–  प्रदेश नम्बर दुईको चुनाव सार्ने विषयमा राजपा नेपालभित्र विवाद देखिएको छ  । राजपा अध्यक्ष मण्डलका संयोजक महन्थ ठाकुरले आफूहरुको सहमति बिनै सरकारले प्रदेश नम्बर २ को चुनाव सार्ने निर्णय गरेको दाबी गरे । 
उनले आफूहरुले सत्तारुढ दलसँगको बैठकमा माग पूरा नभएसम्म चुवान हुन नसक्ने धारणा राखेको तर सहमति बिनै २ नम्बरको मात्रै चुनाव सारिएको दाबी गरे । 
उनले यसविषयमा पार्टीको धारणा तय गर्न राजपाको बैठक दिउँसो तीन बजेको लागि बोलाइएको बताए । 
उनले बैठकले  सत्तारुढ दलको निर्णय मान्ने नमान्ने भन्नेमा तय हुने बताए । 
ठाकुरले राजपाको सहमति बिनै चुनाव सारिएको दाबी गरेपछि अर्का नेता शरद्सिंह भण्डारीले भने आज मध्यान्ह सम्पन्न भएको सिंहदरबार बैठकपछि सञ्चारकर्मीहरुसँग प्रतिक्रिया दिँदै सरकारको निर्णय सकारात्मक भएको बताएका थिए ।  
राजपा स्रोतका अनुसार पार्टीभित्र सरकारको निर्णयसँगै चुनाव जाने या नजाने भन्नेमा विवाद देखिएको छ ।

 

photo

NOC1-250x300