हलिउड पुगेपछि प्रियंकाको भाउ बढ्यो

४ साउन,काठमाडौं । सबैलाई थाहा छ, प्रियंका यसपटक ‘आइफा’ बाट टाढा रहिन् । सलमान, सैफ, आलियासँगै पूरै बलिउड ‘आइफा २०१७’ मा भाग लिन न्युयोर्क पुगेका थिए, त्यतिबेला प्रियंका मुम्बई फर्किएकी थिइन् । प्रियंकाले स्पष्ट रूपमा आफ्नो भाइ सिद्धार्थको जन्मदिन मनाउन आइफा छाडेर मुम्बई आएको बताएकी थिइन् ।

priyanka_647_071417034924

यो हैरान बनाउने नै कुरा हो, आखिर किन प्रियंका यो महोत्सव छाडेर गायब भइन । अमर उजालाले स्रोत उद्धृत गर्दै भन्छ– प्रियंकालाई आइफा २०१७ को होस्टका लागि प्रस्ताव राखिएको थियो । तर यसका लागि प्रियंकाले यति धेरै पैसा मागिन् कि आयोजक अक्क न बक्क परे । र, यो डिल हुन पाएन ।

त्यसैले प्रियंका भारत आइन् र आफ्नो परिवारसँग समय बिताइन् । भारत आउँदै गर्दा प्रियंकाले सोसल मिडियामा एउटा सेल्फी सेयर गरेकी थिइन् र आफ्नो भाइलाई सन्देश पनि लेखेकी थिइन् । आजभोलि प्रियंका हलिउड चलचित्र ‘इजन्ट इट रोमान्टिक’ को सुटिङमा छिन् ।

 

photo

NOC1-250x300