स्वास्थ्य मन्त्रालयले सच्यायो नेपालमा कोरोना संक्रमितको संख्या, २४५ मात्रै भएको जानकारी

जेठ १,काठमाडौँ । स्वास्थ्य तथा जनसंख्या मन्त्रालयले आफैँले सार्बजनिक गरेको सूचना गल्ती भएको भन्दै पुनः सच्याएको छ । आज बिहानै २ पटक सूचना निकालेर ७ जनामा कोरोना पोजेटिभ भएको पुष्टि गरेको मन्त्रालयले त्यसको ३ घण्टापछि गल्ती भएको भन्दै संक्रमितको संख्या २४५ नै भएको बताएको छ ।

मन्त्रालयले यसअघिको अध्यावधिक विवरण अनुसार कोरोना संक्रमितको संख्या २५० भनिएकोमा प्राविधिक कारणले त्यस्तो पर्न गएको जनाएको छ ।

स्वास्थ्य तथा जनसंख्या मन्त्रालयका सह–प्रवक्ता डा. समितरकुमार अधिकारीद्वारा जारी विज्ञप्तिमा भनिएको छ , “यसअघि अध्यावधिक विवरण अनुसार कोरोना संक्रमितको संख्या २५० भएकोमा प्राविधिक कारणले पहिलेनै पुष्टि भएका ५ जनाको विवरण पुन रिर्पोटिङ भएको जानकारी गराउन चाहन्छु ।”

मन्त्रालयले अध्यावधिक विवरण सच्याएसँगै नेपालमा कोरोना संक्रमितको संख्या २४५ नै रहेको छ ।

 

photo

NOC1-250x300